c Ou

BIÉM01RE8 d'olivier DE LA MARCHE. 27

leurs seelez pour laisser passer amiablement lesditz ducz de Zasses et leur armée. Et pour ce que, à roccasion du differand de nous et que ^ en Zassonne a si belle chevalerie et si grande noblesse, de si longtemps prisée et renommée en armes, et que, de ma part et en mes pays, a pareillement grande et belle noblesse, et tant de gens de bien que grant dommaige seroit, si tant de gens d'un parti et d'aultre, à l'occasion de nez querelles particulières, mouroient et se mettoient en dangier de leurs estatz et de leurs vies, [il] me semble que ce seroit le meilleur, et pour les dangiers de tant de gens eschever, que nous prinsions jour, le duc de Zasses, querelleur de ceste duchié, et moy, pour comparoir devant la personne de l'Empereur, chascun de nous personnellement; et que, soubz son impériale puissance, devant sa reale magesté et en la submission de son jugement, nous combatissions corps à corps, jusques à ce que l'on eust veu, et par l'effect de nostre bataille congnu, à qui la terre de droit doit appertenir, et au victorieulx demeurast la seigneurie, sans respandre tant de sang humain d'ung costé ne d'aultre, et de ceulx qui n'ont part à la querelle, fors pour l'amour et pour le debvoir que cbatciin doibt à son seigneur et amy rendre et porter. Bt, de ma part, j'offre de bailler mon nepveur de Ghves, et aultres de mon sang, es mains de l^mpereûr, pour comparoir personnellement devant TEmpereur au jour et lieu qui me sera par luy ordonné, pour faire, fournir et accomplir de ma personne les choses