t Pour résister aux entreprises

pour le service de Dieu augmenter et la foy maintenir, desquelles choses mondit seigneur fut tousjours principal esmoveur, et le premier desliberé d'y employer corps et chevance. Depuis lors, comme il est certain, lui est survenu la rébellion de Gand, à laquelle subjuguer il a despendu du temps et de l'avoir, et, la grâce Dieu, il en est venu à si bonne et honnorable conclusion que chascun scet. Or est ainsy que, pendant ce temps, le Turc a fait de grandes choses sur la chrestienté, comme d'avoir gaigné Gonstantinoble, qui jamais n'avoit heu villenie si grant des mescreans, l'Empereur mort et l'empire destruict. Ces choses ont tousjours entamé le cuem' et le désir de mondit seigneur au service de Nostre Seigneur Jésus Grist ; car au besoing est deu le secours. Dont, pour conclusion, saiches qu'il mesme a ceste besoingne conduicte et desmenée de longue main pour avoir temps de pouvoir vouer et monstrer le bon vouloir et le désir qu'il a au bien publicque et gênerai prouf^ct de la chrestienté. » Ainsi que ce chevalier et moy parlions et devisions de la cause et principallc occasion pourquoy, à son entendement, celle feste et grande assemblée fut faicte, en la salle entrèrent, par la grant porte, grant foison de torches, après lesquelles venoient plusieurs jouans de divers instrumens, comme tabourins, leutz et harpes. Et après eulx vint une dame vestue d'une robe de satin blanc moult simplement faicte, à guise de religieuse; et par dessus elle estoit affublée et habillée d'ung large manteau de damas blanc, et avoit le chief atourné moult simplement d'ung blanc couvre chief, mis tout ainsy qu'à une chose saincte et dévote appertenoit ; et

372 MÉMomBs d'olivier de la marche.

sur son espauUe senestre portoit un roUet où estoit escript en lettres d'or : Grâce Dieu, signîffiant et monstrant le nom d'elle. Et après vindrent douze chevaliers, chascun menant une dame par la main ; et estoient habillez de pourpoinctz eramoisys et de palletocz à manches, la moitié gris et Taultre noir, de satin brodé de feuillage et chargé d'orfavrefie ; et avoient chapeaux de velours noir, orfavrerisés comme lesdits palletocz^ . Et lesdictes douze dames furent vestues de cottes simples de satin cramoisy, bordées de letices^; et par dessus avoient en manière d'une chemise de si fine toille, qu'on vit la cotte parmy; et avoient ung atour tout rond, à la façon de Portugal, dont les bourreletz estoient à manière de rauces^; et passoient pai' derrière, ainsi que pattes de chapperons pour hommes, de déliés voletz chargez d'orfavrerie d'or branlant; et furent leurs visaiges couverts du volet. Et pour declairer des dames dont j'ay parlé par avant, que Grâce Dieu menoit, il fait à sçavoir que tantost que ladicte Grâce se trouva devant mondit seigneur*, elle parla et dit :

Grâce Dieu,

Grâce Dieu suis, la divine aulmonniere.

Qui des bien faictz de paradis pourvoye,

1 . Pour la façon de ces paletots, la broderie des robes, les chapeaux et les paillettes, y. Laborde, loc, cit., p. '454-55; Mathieu d'Escouchy, t. II, p. 227, note 1.