CHAPITRE XXX

Enwyt une partie des veulz que feirent le très noble et très redoubté prince Philippe^ par la grâce de Dieu duc de BourgoingnCy de Brabant^ etc., et plusieurs aultres grans seigneurs, chevaliers et gentihhommes, ran\ 453 ; et premièrement le veu. d'icelluy prince ^ .

c Je voue^ tout premièrement à Dieu, mon créateur, et à la glorieuse vierge Marie, sa mère, en après aux dames et au faisant, que se le plaisir du très chrestien et très victorieux prince monseigneur le Roy est de prendre croisée et exposer son corps pour la defiense de la foy chrestienne, et résister à la dampnable emprise du Grand Turc et des inBdelles, et se lors je n'ay loyal ensoingne de mon corps, je le serviray en ma personne et de ma puissance audit sainct voyaige, le mieulx que Dieu m'en donnera la grâce ; et se les affaires de mondit seigneur le Roy estoient telz qu'il n'y peust aller en sa personne, et son plaisir est d'y conunettre aucun prince de son sang ou autre seigneur chief de son armée, je à son dit commis obeiray et serviray audit sainct voyaige, le mieulx que je pourray, et ainsi que se luy mesme y estoit en personne. Et se, pour ses grans affaires, il n'estoit disposé d'y aller ne d'y envoyer, et que aultres princes chrestiens à puissauce convenable empreignent le sainct voyaige, je les

t. II, p. 165 à 221, auquel uous renvoyons, comme pour les variantes du texte.