Le 20 mai

40& MÉMOIRES d'olivier DE Là MARGISB.

Harchies, seigoeur de Belligniers, et provost de la ville ung notable bourgeois nommé Marciot du Gardin ; et tenoient ces deux la gravité et serimonie du camp ; et, de l'ordre de la ville, deux gentilzhommes avoient le regard aux portes. Le peuple estoit grant sur le marchié, et estoit conduit par ung nommé Nycolas du Gardin, qui se tenoit^ en une garite, à Thostel de la ville, à tout ung grant baston; et s'il vebit que le peuple se desrivast ou muast en riens, il feroit de son baston et crioit : c Guare le ban ! » Et sur ce mot chascun êe tenoit coy, et doubtoit la ptinicion de justice ; et, à la vérité, tout le peuple et ceulx de la ville estoient pour Mahuot en couraige, pour ce qu'il combatoit pour la querelle de la ville. Or avons devisé de l'ordre de ladicte ville; et fault escripre du ftdt de la lisse et du champ cloz, et comme les champions se maintindrent en ceste bataille.

Ce champ cloz estoit rond, et n'y avoit que une entrée ; et tantost ceulx de la ville firent apporter deux chaires couvertes de noir, mises et apposées à l'opposite l'une de Taultre ; et tantost après entra Mahuot en ladicte lisse, et s'alla seoir eo sa chaire, et n'arresta guieres que Jacotin Plouvier vint de l'aultre part, qui semblablement s'asseit en la chaire pour luy préparée. Les champions estoient semblables d'abillemens : ilz avoient les testes raises, les piedz nuz, et les ongles coppez des mains et des piedz ; et au regard du corps, des jambes et des bras, ilz estoient vestuz de cuyr bouilly, cousu estroictement sur leurs personnes, et avoient chascun une bannerolle de sa devocion en sa main ; et ^toat entrarent ceulx de la loy commis à ce, qui portoient ung grant missel ; et feirent le sere-

MÉMOmBS d'olivier de la BfARGIIE. 405

ment l'ung contre l'aaltre, assavoir que Mahuot jura qu'il avoit tué son homme de beau faict, et Jacotin Plouvier jura le contraire. Ettantost leur fut apporté à chascun ung escu peint vermeil, à une croix de Sainct George ; et leur furent baillez escuz la pointe dessus, et me fut dit que quant le plus noble honrnie du monde corobatroit à Yalenciemies, il n'auroit aultre advantaige, sinon que la pointe de son escu seroit en bas, et pourroit porter son escu conune ung noble homme le doit porter. Itenij leur furent baillez deux bastons de mesplierS d*ung poix et d'une grandeur; et puis furent les chaires ostées et mises hors de la lice ; et s'en retournèrent ceulx de la loy, et laissèrent les champions Tung devant Taultre ; et le provost de la ville rua le gand qui avoit esté gecté plour faire ladicte bataille, et cria : c Chascun face son debvoir! » Et prestement se levèrent les champions, et coururent sus Fung à Faultre moult vigoureusement. Et devez entendre que les champions demandèrent à ceulx de la loy trois choses, assavoir sucre, cendres et oinoture. Et premièrement leur furent appourtez deux bassins plains de gresse , dont les habillemens , que chascun d'eulx avoit vestu, furent oingtz et engressez, afïîn que Fung d'eulx ne peust prendre prinse sur Faultre. Secondement leur furent apportez deux bassins de cendres, pour oster la gresse de leurs mains, afin qu'ilz puissent mieulx tenir leurs escuz et leurs bastons ; et tiercement fut mise en la bouche de chascun d'eulx une portion de sucre, autant à Fung comme à Faultre, pour recouvrer salive et alaine ; et de chas-

i. Mespilus, néflier.

cun des trois leur fîit faict Tessay devant eulx, comme devant deux princes. Et combien que ledit Mahuot ne fust si grant ne si puissant de sa partie, touteffois vigoureusement ii puisa du sablon, et le gecta aux yeulx et au visaige de Jacotin Plouvier ; et de ce cop luy donna de son baston sur le front, dont il luy fit playe et sang. Mais ledit Jacotin, qui estoit homme fort et puissant, poursuivit tellement et si aigrement sa bataille que ledit Mahuot fut abatu à bouchon, et Jacotin Plouvier lui saillit dessus ; et fut la bataille à ce menée, que ledit Jacotin creva les deux yeulx à son adversaire, et puis luy donna ung grant cop de son baston, dont il Tassontuna, et le mist hors de la hce ; et, en ce faisant, mourut ledit Mahuot, et fut condamné à estre mené au gibet et pendu; et ainsi fina la bataille entre Jacotin Plouvier et Mahuot. Si soit pris en gré ce que j ay sceu ramentevoir de ceste matière. Assez tost après se firent unes autres armes à Yalenciennes, de deux nobles hommes, dont Tung fut chevalier, et se nommoit messire ^.., et Taultre fiit ung escuyer de Thostel de monseigneur le bastard, et se nommoit Jehan de Rebremettes, seigneur de Thibauville ^. Ces deux, pour aucung estrif, comparurent à jour ordonné au lieu de Yalenciennes, armés comme il appertenoit pour combatre à pied, et dévoient iceulx jecter ung gect de lance, et puis combatre de haches, jusques à vingt cinq coups. Les deux nobles hommes

1. Quatre mots omis dans les éditions précédentes. Le nom est en blanc dans le ms. n? 2869.

2. Sur ces armes qui eurent lieu le 14 décembre 1458, v. J. du Glercq, liv. III, ch. xl, et Ghastellain, édit. Kervyn de Lettenhove, 1. 1, p. xxxn , et t. III, p. 358, note.

MÉMOIRES d'OUVIER DE LA MARCHE. 407

se comparurent parez de leurs cottes d'armes, et se combatirent chevaleureusement, sans faire grant foulle l'uDg sur Faultre, et ainsi se partirent icelles armes ; et disoit on que Dieu avoit envoyé ces deux nobles hommes pour faire honneur à Yalenciennes, et tenoit on la bataille faicte entre Jacotin Plouvier et Mahuot plus honte que honneur, à cause du murdrc perpétré en la presance du prince.