André ou Dreux, seigneur de Humières et de Bouzincourt

MÉMOIRES d'OUVIER DE LA MARCHE. 43

paignons en eurent le moings. Et disoit on que les butiniers y firent laidement leur proufSt; car, tout compté et rabatu, ledit butin fut délivré à sept florins et demy, pour paye ; et tel porta aux butiniers la valeur de cinq cens florins, qui n'en eust que trois florins et demy ou ung quart. Sur ledit butin furent prins quinze cens florins pour la rançon de Jehan de Rochebaron et d'Estor du Soret, prins par Jaquemin de Beaulmont, entre Ywis et Villy. Les ordonnances furent faictes des portes et des guectz, et fut l'une des portes baillée à garder à Guillaume d'Âuron' et aux compaignons qui avoient tenu le chastel dudit Villy, pour ce que honnorablement et bien s'y gouvernèrent. Et advint que, après que le siège eut duré environ trois sepmaines, le conte de Glick, qui ne veoit à son faict nul expédiant ou remède, par une noire nuict, fit livrer une escarmouche sur le costé de l'abbaye où estoit le conte d'Estampes, et firent les Âllemans une saillie assez baudement. Si fut la saillie bien soubstenue par ceux qui faisoient le guect ; et à l'effroy vint le seigneur de Saveuses tout desarmé, ainsi qu'il se trouva; et estoit assez sa coustume de ainsi faire, car il estoit chevalier asseuré et hardy. Et advint que ung cranequinier luy donna d'ung vireton parmy l'estomac; mais de tant luy fut Dieu en aide, que ledit seigneur de Saveuses avoit une grosse chaine d'or massive à son col, sur laquelle le vireton assena, au redoublé de deux chainons, et trouva si grant résistance que le cop perdit sa force ; mais touteffois entra le vireton plus de deux dois au corps dudit seigneur