Pour d'Aurou

ii MÉMOIRES d'OUYIER DE LA MARCHE.

de Sàveuses; et se n'eust esté ladicte chaîne, il eust esté mort et occis de celluy cop, qui eust esté dommaige, car deppuis il a bien servi, comme Ton trouvera cy après.

Durant ceste escarmouche, le conte de Glick, qui s'estoit pourveu ainsi qu'il avoit délibéré, par cordes et par aide se devalla du chastel et de la montaigne opposite du chemin de Tionville, et passa la rivière, ainsi que Dieu luy fut en aide, et toute la nuyct chemina par bois et par chemins, tellement qu'il vint audit Tionville, où ses gens et les habitans le receurent à grant joye. Le seigneur de Saveuses fut secouru et sa playe mise à poinct ; et cessa l'escarmouche quand ilz sentirent que le conte estoit devallé et tiroit à la garde de Dieu, car ilz esperoient de luy avoir secours ou conseil, et se tenoient et gouvernoient en gens de guerre, sans parlementer ou monstrer cause d'ebahissement. Et ung jour monseigneur le bastard de Dampierre, un beau, saichant et plaisant chevaUer, venoit de l'abbaye sur sa mule, conmie celuy à qui ne souvenoit de fortune, s'elle veilloit ou s'elle dormoit, et retournoit dedans la ville pardessoubs le chastel, où se saulva ledit conte ; et ainsi advint que les Âllemans avoient afusté une coulevrine à chevalet celle part, droit à ung petit pont près du molin ; et, au passer ce pont, le cop de la pierre ferit le chevalier en la teste, et cheut tout mort devant les piedz de ladicte mule, et fut très grant dommaige de luy. Le corps fut emporté et enterré es Cordeliers moult honnorablement, et l'enterrèrent et l'accompaignerent tous les princes et toute la noblesse de la court, et fit faire le duc son enterrement moult honnorablement.

MÉMOIRES d'OUVIER DE LA MARCHE. 45

Assez tost après que le conte de Glick fut arrivé à TyoDville, il rassembla les Âllemans et les babitans d'icelle ville et demanda qu'il pourroit faire sçavoir à ceuh: qu'il avoit laissez au chastel de Lucembourg ; car il sçavoit qu'ilz estoient petitement pourveuz de vivres et ne veoient secours de nulle part. Si adviserent ensemble que, par signe ou aultrement, ilz les avertiroient de eulx rendre au moins mal et au meilleur marché qu'ilz pourroient; ce qui fut faict. Et parla pour ceulx du chastel un juif qui demouroit dedans la ville et s'estoit rendu avecques eulx, lequel estoit homme prudent et saige en sa loy. Et firent appoinctement avec le duc de Bourgoingne ou ses commis, que les AUemans, Behaignons et Zassons s'en yroient, ung bâton en leur main, et que les Lucembourgeois demoureroient à la voulenté du duc. Et ainsi se rendit le chastel de Lucembourg, environ trois sepmaines après la prinse de la ville ^; et descendirent les Âllemans en l'abbaye, où les attendoient le conte d'Estempes et le bastard de Bourgoingne, fort accompaignez, et furent mis en l'église ; et, après leur avoir donné à boire et à manger, leur fut baillé conduicte de gens de bien pour les conduyre seurement jusques à Tyonville, comme on leur avoit promis. Et tantost qu'ibs furent yssus du chastel, Jehan de Ghaumergy, premier escuyer d'escuyrie du duc, porta les bannières du duc de Bourgoingne sur les tours et sur le portail,

1. V. dans Bertholet, t. Vn, p. 420, le texte de la lettre écrite le mercredi 11 décembre 1443 par Philippe le Bon pour annoncer la reddition du château de Luxembourg. Les détails qu'il y fournit sont identiques à ceux que donne Olivier de la Marche. — D'après Stavelot {Chronique, p. 524), la reddition aurait eu lieu le 12 décembre, qui tombait en effet un mercredi.

r 46 MÉMOIRES d'OUVIER DE LA MARCHE.

et fit sonner les trompettes. Et le suyvions, nous autres paiges du duc, comme après celluy qui estoit nostre maistre et qui avoit charge de nous. Et pour nostre butin gaignasmes plusieurs chiens, bien maigres et bien af&mez. Et, à la vérité, ilz n'avoient leans^, pour toute provision, que deux tonneaulx de pain musi et gasté et ung petit salloir de chair sallée, et de vin cinq ou six tonneaulx. Plusieurs chevaulx avoient, qui n'avoient nulles provisions, et vous asseure qu'ik avoient mangez leurs râteliers et leurs mangeoires, de force de faim. Et là je veiz une provision pour chevaulx bien estrange, et non à croyre qui ne Tauroit veue ; car je veiz ung gros monceau de rabotures, tirées au rabot, de ays de sapin ou d'aultre bois, dont on donnoità manger auxditz chevaulx, et ne vivoient d'aultre chose, dont les plusieurs moururent et peu en eschapperent. Et, à la vérité, lesditz Âllemans se tindrent honnorablement en celle guerre et ne firent riens contre leur honneur. Et ainsi fut toute la duchié de Lucembourg conquise en moings de quatre moys; réservée la ville de Tyonville, qui se renforçoit, à cause de Tiver qui approchoit, pour ce que ladicte ville est assise en marez et en marescages.

Ainsi demoura le duc de Bourgoingne en sa ville de Lucembourg, et fit apprester le chasteaul qui est une moult belle et seignorieuse place ; et là vint la duchesse de Bourgoingne et la duchesse douaigière de Lucembourg ; et là furent renouveliez les traittez faictz entre le duc et ladicte duchesse de Lucembourg, sa belle tante ^. Et se nommoit le duc de Bourgoingne maim-