f En recitant, par la déduction de ce présent volume

3. Cette Joute est décrite avec de moindres détails par Mathieu d'Escouchy, chap. xm, t. I, p. 91 et soiv. Jacques de Lalaing parait y avoir assisté.

ledit Galiot qu'il arriva à la court du due de Bourgoin^e, en la ville de Mons en Haynnault, et estoit à bien trente chevaulx, josne escuyer de trante ans ou environ et l'ung des plus beaulx hommes et de la plus belle taille que Ton pouvoit veoir, et estoit puissant et ligier à merveilles et moult bien renommé de son eaige. Et, pour ce que le duc de Bourgoingne et le duc de Millan estoient frères d'armes et alliez ensemble, ledit duc de Millan, son maistre, luy defifendit au deppartir qu'il ne portast ou emprist nulles armes à rencontre des subgectz du duc de Bourgoingne, son frère et son allié, si touteffois il n'en estoit requis et que le duc l'agreast et consentist. Et estoit desliberé ledit Galiot que s'il n'estoit en l'hostel ou en la seignorie du duc de Bourgoingne requis de faire armes, de passer en Angleterre et là charger emprise à son intencion de faire armes, avant son retour en Ytalie ; et quant le seigneur de Ternant seut l'intencion dudit Galiot et veit ce beau personnaige, et entendit la renommée de l'estrangier, luy, qui de longue main avoit désiré et quis de trouver party et sorte pour faire armes, se deslibera de exécuter à icelle fois ce que tant avoit désiré, et, par le congié du duc de Bourgoingne, son seigneur et son maistre, il chargea pour emprise une manchette de dame faicte d'ung délié volet, moult gentement broudée, et fit actaicher icelle emprise à son bras senestre, à une esguillette noyre et bleue, richement garnye de diamans, de perles et aultres pierreries ; et moult bien luy seoit porter icelle emprise, car il estoit moult beau chevaUer, saige, prudent et bien enmanieré et l'ung des plus .... de son temps. Et prestement qu'il eust son emprise chargée, il envoya II 5

66 IIÉMOIRES d'olivier DE LA MARCHE.

le roy d'armes de la Thoison d'or devers ledit Galiot de Baltasin, pour lui signif&er et dire de par luy qu'il avoit chargé et eslevé une emprinse en intencion de faire armes, et pour luy l'avoit il prinse et chargée, en espérant d'estre par luy accomply de son désir; et que, si son plaisir estoit de lever ladicte emprinse, il trouveroit ledit seigneur de Ternant, à une heure après midy, en la salle et en la présence du duc de Bourgoingne, son prince, son seigneur et maistre, et qu'il pourroit toucher et lever l'emprinse dudit seigneur de .Ternant. Moult joyeux se monstra ledit Galiot, quant il entendit qu'il seroit depesché en la maison de Bourgoingne de ce qu'il queroit, et ne faillit pas à venir, et s'adgenoilla devant le duc de Bourgoingne, luy requérant à genoulx qu'il luy donnast oongié et licence de toucher à l'emprinse que pourtoit le seigneur de Ternant, et le bon duc le fit lever et luy donna le congié. Lors demanda Galiot aux roys d'armes et heraulx la coustume du pays, et dit qu'en son pays, quant le requérant arrache l'emprinse de son compaignon, c'est pour la vie de l'ung ou de l'aultre, mais quant l'on n'y fait que toucher seulement, c'est pour chevalerie. Sur quoy luy respondit Thoison d'or que le seigneur de Ternant avoit chargé son emprinse pour chevalerie et que la coustume estoit de toucher à l'emprinse quant on est présent. Lors s'avança ledit escuyer et toucha à l'emprinse du chevalier, en soy adgenoillant bien bas, et dist : c Noble c chevalier, je touche à vostre emprinse et au plaisir € de Dieu vous fourniray et accompliray tout ce que c je sçauray que désirerez de faire, soit à pied, soit à c cheval. > Et le seigneur de Ternant le remercia

moult humblement et luy dist que bien fust il venu, et que en icelle journée il luy envoyroit par escript les armes qu'il desiroit à faire et accomplir. Et ainsi se deppartirent pour celle fois, et ce mesme jour ledit seigneur de Ternant envoya par ung herault ses chappitres, seelés et signés conune il appertenoit, et le bon duc tint conseil sur ceste matière. Et fut desliberé que jour et temps seroit assigné aux parties Tan quarante six, au mois de avril , en la ville d'Arras, ce qui fut signifié de par le duc auxdictes parties ; et fut icelluy jour aussi long baillé, pour ce que ledit Galiot se vouloit aller armer à Millan et faire ses préparatoires. Et ne demoura gueres que la court fut toute plaine et chascun adverty des chappitres envoyez et baillez par le seigneur de Ternant; et fut le double monstre et oontrescript par plusieurs et dont la poursuitte desdictes armes ensuit.

Par les raisons dessus escriptes, m'a convenu mes- 1er de l'an quarante cinq avecques l'an quarante six, pour ce que tout est d'une matière et afiin de reciter le tout à une fois. L'an quarante six se passa sans adventure ou cause qui face à escripre, jusques au mois de avril, que le jour estoit assigné en la ville d'Àrras^, conmie dit est, pour faire et accomplir les armes emprinses par le seigneur de Ternant et Galiot de Baltasin ; et se fournit chascun de harnois, de chevaulx et autres habillemens nécessaires ; et, au regard du seigneur de Ternant, il assambla dix ou douze cbevaulx, les meilleurs et les plus renommez de tout le royaulme de France et des marches voisines ; et se