Le 27 ou 28 avril
68 llâMOIRES D*OLrVIER DE LA MARCHE.
tira le duc en sa ville d'Arras, ouquel lieu ftirent les lices préparées sur le grant marchié, au droit de Thostelerie de la Clef. Et fut une grande maison eslevée, qui venoit jusques sur le bord de la lice, bien avant audit marchié. Ladicte lice fut carrée, de moult grande et spacieuse grandeur, et estoit toute double et de gros marrien ; et Tentrée et le pavillon du seigneur de Temant [estoit] du cousté tirant à la ville, et l'entrée et le pavillon de Galiot fut du cousté opposite, tirant à la porte qui vient de Bellemotte. Et furent ordonnez deux cens souldoyers, par ceulx de la ville, tous armez et embastonnez, qui se tenoient entre les deux lices où furent les pavillons tenduz pour les champions; et fut le pavillon du seigneur de Ternant de drap damas noir et bleu, et sur le capital ses armes^ et son timbre broudé nioult richement; et à l'entour des gouttières estoit escript en grosses lettres d'or, en brodure, ung souhait tel : c Je souhaite que avoir puisse de mes désirs c assouvissance et jamais aultre bien n'eusse. > Noblement fut son cousté paré de bannières et de penons. Et pareillement fut le pavillon de Galiot qui fut tendu de soye. Et aussi estoit le camp paré et la double lice plaine de gens d'armes, et la maison où le duc devoit estre moult richement tapissée ; et, environ une heure après midy, se partit le duc de son hostel, accompaigné de monseigneur Charles, conte de Gharolois, son filz, du conte d'Estampes, du seigneur de Beaujeu, de monseigneur Âdolf de Gleves et de moult grant noblesse ; et celluy jour je chevauchay après le duc sur ung coursier couvert de velours noir. J'estoye encoires son
. Teraant : Échiqueté d'or et de gueules de quatre traits.
paige, et n'avoit après luy paige ne autre parure que moy et ledit coursier. Le due descendit en son hourd et tenoit en sa main le baston, comme juge ; et tantost entrèrent dedans la lice huict hommes d'armes moult bien armez, chascun le blanc baston en la main, car ils estoient ordonnez pour escoustes^ et pour deppartir les champions. Et ne demoura guieres que le seigneur de Ternant entra en la lice sur ung cheval couvert de ses armes en brodure, et avoit sa cotte d'armes au dozy et estoit armé de toutes pièces, le bassinet en là teste et la visière ouverte ; et certes il avoit ung visage de chevalier, non pas de pucelle, car il estoit brun, à une noyre et forte barbe, et sembloit bien homme à redoubter et à craindre. Il estoit accompaigné du seigneur dé Beaujeu et du conte de Sainct Pol, et descendit si tost qu'il fut en la lice, et pourtoit ung gros court baston en sa main dextre, qui luy rendoit contenance d'homme d'armes et moult bien luy seoit. Il ne porta point de bannerolle de devocion, laquelle . chose je ne prise point, car plus est l'honmie de hault affaire, plus doit à Dieu de recongnoissance, et tant plus a d'honneur, tant plus doit doubter et craindre celluy Dieu, qui le luy peut oster et faire perdre. Ainsi se présenta le seigneur de Ternant moult humblement devant le duc et porta luy mesme la parolle, et bien le seut faire, et le duc le bienviengna, et se retrait en son pavillon. Ne demoura guieres que Galiot de Baltasin entra en la lice, et l'accompaignoit le conte d'Ëstempes. Il estoit armé de tout, fors de la teste, la cotte d'armes au doz, et seoit sur ung cheval couvert de ses armes.
