Escuvers. » — 3. « Pour luv

adviz, lesquelles viandes luy sont plus prouffitables ; ilz peuvent à toutes les heures en la chambre du prince et sont gens si notables, si bons et si grans clercs, qu'ilz peuvent estre à beaucop de conseilz huchiez et appelez 1 ; ilz ont plat à court, comme le premier sommellier, mais ilz n'ont point de chambre ordinaire. Le duc a quatre surgiens2 ; ces quatre servent pour la personne du duc, et pour ceulx de son hostel et autres ; et certes ce ne sont point de ceulx qui ont le moins à faire en sa maison ; car le prince est chevaleureux, et de tel exercite de guerre, que par bleceure de cop à main, de trait à pouldre ou aultrement, il a bien souvent tant de gens bleciez en sa maison et en ses ordonnances, que, tant pour le grant nombre que pour les divers lieux où les bleciés sont, cinquante surgiens diligens auroient assez à besoigner, à faire leur devoir des cures qui y surviennent. Et pour ceste cause a ordonné le duc en chascune compaignie de cent lances ung surgien. Iceulx quatre surgiens du duc ne prendent riens des compaignons estrangiers ne des povres qui sont au service du prince, et s'attendent à luy pour leurs oingnemens et drogueries de satisfaction, et peuvent en la chambre à toutes heures, comme les médecins3.