Deux mots omis dans les éditions antérieures

des panetiers, et pourquoy ne en quel temps iceluy estât doibt estre premier nommé, car Testât du panetier, de l'eschanson, de l'escuyer trenehant et de l'escuyer d'escuyrie, sont aussi nobles les uns que les autres, [et] les gaiges aussi des uns que des autres; et pour ce que c'est tout ung, quant à noblesse et à estât, mais il faut1 en toutes choses ordre, règle2 et raison. Si deviseray, selon ce que j'ay peu aprendre3 et concevoir, comment iceulx estaz doivent aller et estre conduis.

Le duc a ung premier panetier, et cinquante escuyers panetiers ; et sont conduis à la guerre et à la paix soubz le premier panetier, et sont gouvernez par cinq chiefz de chambre ordonnez par le prince, dont chascun a neuf panetiers soubz luy ; et chevauchent tous soubz la cornette du premier panetier en une escadre. Et ay nommé le premier estât des panetiers; car en ensuyvant la règle des escroes et des ordonnances faictes en la maison de Bourgoingne, de plus de cent ans 4, doibt estre le panetier le premier nommé, pour l'honneur du sainct sacrement de l'autel, dont le pain est la saincte chose où5 le précieux corps de Nostre Seigneur Jésus Christ6 est consacré.

Le premier panetier faict la despence de la paneterie, et se compte soubz luy7 celle despence par les