Neuf mots omis

le pain pour le prince ; et quant le panetier et le sommellier ont tout assiz, le varlet servant doibt mettre son pain et les trenchoirs sur la table, et puis doibt tirer les coutteaux, et doibt asseoir les deux grans coutteaux, en baisant les manches, devant le lieu où le prince doibt estre assis, et doibt mettre les pointes devers le prince, en couvrant icelles pointes de la nappe qui est redoublée; et puis doit mettre le petit coutteau au milieu des deux grans, et1 mettre le manche devers le prince ; et les causes pourquoy2 sont que les grans coutteaux se doibvent retirer par l'escuier trenchant, et pour ce sont les manches devers luy, et le petit coutteau est tourné au contraire, pour ce que le prince s'en doibt aydier. Et, les coutteaux et les trenchoirs assiz, le varlet servant doibt mettre le pain sur les deux coutteaux, et les trenchoirs demeurent emprès la petite nef. Et quant le prince est venu et assiz, et la viande venue, le varlet servant doit desnoucr la serviette où sont iceulx trenchoirs, et les mettre en ordre et par pilles devant la nef, et puis doit prendre le plus grant coutteau, et faire de l'une des pilles des essays, et les bailler au panetier, pour faire les essays de la viande. Il doit attacher la gayne des coutteaux au tréteau de la table, au droit3 de la nef, à la couverte de la nappe ; et doit le varlet servant prendre la petite nef où est la lycorne, et la porter au sommellier4 au buffet, et le sommellier doit mettre de l'eaue fresche sur la lycorne et en la petite nef, et doit

\. « Doibt aussi. «