Porte -nappe

L'oublieur1 doibt prendre la fleur2 de ses oublies d'achapt, et prendre en la cuisine le sucre, le bois et le charbon ; il doit avoir ung estuy d'argent pour mettre les oublies du prince, et se doibt pourveoir à chascune fois es mains du saulsier de vaisselle d'argent, pour servir le prince, se mestier est ; et peut asseoir son estuy sur le buffet de l'eschanssonnerie, jusques à ce que le prince soit servy ; et se doibt servir le prince comme il est escript cy dessus.

Le lavandier doibt laver et nettoyer le linge3, et pour ce est il comprins4 de la paneterie.

Or avons nous devisé [de] l'ordre et Testât des panetiers, et de l'office de paneterie ; si fault parler du second estât, qui sont les eschansons, qui est le second estât selon l'ancien ordre que je treuve par escript; et la raison pourquoy, si est, pour ce que l'eschanson sert du vin où se consacre le précieux sang et corps de Nostre Seigneur Jhesus Crist 5, ainsi que nous avons dit du pain cy dessus, et est bien raison que le service du pain et du vin soit privilégié avant toutes choses6. Mais de une chose je m'esmerveille et fay en moy mesme de grans questions pour l'eschanson et pour l'eschansonerie, qui ont nom particulier, sans le tenir du vin ou de la vigne, comme fait le nom du panetier ou de7 l'escuyer trenchant, dont l'un tient du