Sur

3. « Au lieu où doit seoir le prince et par dessus mettre le coussin. »

fault renouveller en ladicte tapisserie, ce est que1 iceluy banquier doit estre le bureau sus quoy on tient les comptes devant les maistres d'hostel ; et le doivent communément ceulx de Gand des draps royez dont ils vestent ceulx de la loy de la ville ; et est ledit bureau à l'huissier de la sale, quant il le fault renouveller ; et s'il le failloit acheter, il le fauldroit compter au bureau et payer par le maistre de la chambre aux deniers ; et pour ce n'a que faire à la tapisserie, et aussi on le mect en la paneterie, pour estre plus prest pour le service du prince.

L'huissier de sale doit aller par les offices faire abregier le service, et est le sergeant du bureau et des maistres d'ostel, comme il estescript cy dessus.

Le sommellier doibt couvrir la table de deux nappes, et redoubler la nappe devant le prince comme ung doublier ; il doit livrer le pain, la moustarde, le fromaige, le beure frais et la craisme doulce, tant au prince comme aux autres, c'est à sçavoir aux estatz.

Le garde linge doit garder le linge, et le délivrer pour le prince et pour les estatz ; le porte chappe2, es grans assamblées, doit porter une nappe nouée à son col plaine de pain, et le doit asseoir sur les tables pour le commun, et doibt recevoir le pain par compte de la main du boulengier, pour servir les estatz ; mais le pain de bouche se doibt recevoir par ung sommellier de la paneterie, et non par autres.

1. « En rendre compte, et est la cause pourquoy ne se meslent ceux de la tapisserie du banquier et du coussin, et toutesfois c'est leur office ; et faut renouveller desdits coussins en la tapisserie, car... »