La ville

venir pour aller quérir de l'autre vin pour les suittes, se besoing est ; mais se il en falloit pour la bouche du prince, il n'appartient à homme de y aller ne de y mettre la main que au sommellier ou à son ayde.

Or deviserons comment doit faire l'eschanson, et pourquoy on le mect au hault bout au dessus du panetier, et toutesfois le panetier est le premier venu et le premier nommé ; la cause si est que de la paneterie viennent les nappes à couvrir la table, et dont il fault qu'elle soit couverte premier que autre chose s'y assiee ; et pour ce fault entre suyre iceluy office et ce qui en despend. Secondement, on le fait pour gaigner le temps, et pour avoir fait quant le prince viendra ; car souvent advient que, par les grans affaires du prince, il ne vient point aux heures communes; et en cas se on avoit apporté le gobbelet, le vin ne seroit point frais, à1 avoir esté deux heures peut estre sur le buffet, et ainsi l'on abrège le service, où riens ne peut empirer. Et la cause pourquoy l'eschanson a le hault bout, c'est pour l'honnesteté du service, pour ce que en iceluy costé n'a que le gobbelet et la tasse. Et viennent communément les grans2 princes et ambassadeurs au hault bout veoir le prince à sa table, et le gobbelet ne les empesche de riens ; ce que ferait la nef, qui est haulte, petite nef, salliere et trenchoirs, qui se mettent de l'autre costé. Et pour entre suyre et de tout deviser, quant on parle du hault bout en commune parolle, l'on dit que c'est à dextre main, et bien est vray le plus souvent ; mais à prendre le hault bout