Ceinct

le gobellet du prince et deux bouteilles, l'une de vin et l'autre d'eaue, et doit chevauchier après les chevaux du prince; et si a le prince1 deux aydes de sommelliers qui servent en leur absence.

Le duc a deux gardes huches servans à termes comme dessus, dont celuy qui sert garde l'eschansonnerie, et a en sa main 2 toute la vaisselle d'or et d'argent dont on sert communément le prince et les estaz en sa maison , touchant vaisselle de buffet ; et les délivre es mains des commiz desdiz estaz ; et luy est icelle vaisselle aportée à chascune fois, soit au disner ou au soupper ; et s'il y a crue de festoyement où il faille crue de vaisselle, le garde huche3 va au garde des joyaux, qui luy délivre ce qu'il luy fault et non aultre4.

Le duc a deux barilliers, et doivent iceulx barilliers5 livrer l'eaue au sommellier pour la bouche du prince, et avoir le soing des barilz que l'on porte en la salle pour la grant despence ; et aussi doivent ilz mettre en escript les quartes de vin qui se donnent par jour et despensent , lesquelz 6 sont hors les ordonnances , les crues qui se font, à quoy, qui et comment, et aussi combien, pour les bailler au sommellier, afin d'en rendre compte au bureau; et dessoubz eulx a deux porte barilz qui doivent porter les barilz du commun de l'eschansonnerie en la salle. Et en la cave doit avoir