Deux mots également omis

MÉMOIRES D OLIVIER DE LA MARCHE. o7

ou de quartrons, mais par milliers ; et tous suivent le duc en la procession, le cierge allumé, par estât et par ordre, qui est moult grant chose à veoir. Le fruitier livre torches et flambeaux, filez, mortiers de cire et de chandelles de sieu1 par tous les estatz, et selon ce que ordonné luy est. En la fruiterie a deux sommelliers qui délivrent icelles choses, et si a six varletz de torches qui doivent tenir les torches à toutes heures, soit en salle ou en chambre, excepté seullement2 que quant on tient conseil, les secrétaires tiennent les torches en la chambre dudit conseil ; et quant le prince va dehors de son hostel, et qu'il convient avoir plus largement de torches, comme par douzaines, pour allumer au prince3, le fruitier peut prendre gens aux despens du prince pour porter icelles torches, et luy est compté par les escroes soubz son office. Le fruitier livre torches et cire en la chappelle, et sont les grans torches merchées4 par le contrerolleur, et se rapportent les coppons des grans torches au bureau, auquel lieu elles sont desmerchées5 ; et rend ledit fruitier son compte par livres et par onces, et se compte quatorze onces pour la livre. Et au regart de la chandeille de sieu, le sommellier de la fruiterie la délivre et a l'argent, et scet combien il doit avoir de la livre, et est compté par les escroez soubz iceluy office. Et au regart des marchans, tant boulengiers comme bouchiers, ils doivent livrer le pain en la paneterie, et la chair et les pastez en la cuisine ; et pour ceste cause ont certaines bouches comptées par les escroez, pour