Point avoir regard à nulles

Et du temps des nobles tournois, ils se combatoyent par deux partiz, les ungs royers et les autres poyers. Et furent deux roys d'armes fais pour soustenir iceulx deux partiz, et pour mettre par ordre les blasons des nobles hommes, en gardant à chascun son estât et degré : c'est à sçavoir le roy d'armes des royers pour toute la noblesse de Germanie, et le roy d'armes des poyers pour toute la noblesse de Gaulle ; et certes les matières sont de grans recommandations. Mais je m'en passe pour abregier et pour entre suire ma matière. Et qui désir aura de sçavoir à parler de ceste chose quiere1 ung traicté que fist Anthoine de la Salle2, et il trouvera matière de grant recommandation. Et au regart de créer le roy d'armes de la Thoison d'or3, il doit estre fait par élection des chevaliers de l'ordre. C'est le premier et le principal de l'hostel du duc de Bourgoingne, et a l'entremise de la feste de la Thoison ; [et] ne doit avoir autre officier d'armes pour conduire les cérémonies que luy seullement, et se doit aider de Fusil4, poursuyvant, et non plus. Hz doivent tous à toutes grandes choses accompaigner le prince, leurs cottes d'armes vestues ; ilz ont de grans drois et de grans dons. L'office d'armes doit honnourer les nobles, et la noblesse les doit nourrir, soustenir et porter. Les officiers d'armes doivent porter les blasons du prince au costc dextre, selon nostre coustume ; mais les offi-