Deux mots également omis

bien et1 de vertu, il parviendra au noble office de herault ; et doit avoir en sa création deux roys d'armes et quatre heraulx, qui doivent certifier de sa première conduite, et qu'il a esté poursuivant sept ans, et qu'il est digne d'estre herault. Si doit estre baptisé encore une fois, et le prince luy mue2 son nom, et les heraulx luy tournent la cotte d'armes selon ce qu'elle doit aller ; et pour créer ung herault à estre roy d'armes, convient que tous les roys d'armes, heraulx et poursuivans que l'on peut finer3 soient là, et qu'ilz portent tesmoignaige devant le prince des vertus du herault, et qu'il est stillé au très grant* office de roy d'armes, qui est si grant, si hault et si noble que jamais ne peut avoir plus hault nom en office d'armes. Le herault doit avoir la cotte d'armes vestue, et le prince luy met la couronne en la teste, qui doit estre d'argent doré et non point d'or, et n'y doit avoir pierres que saphirs, en signifiant que le roy d'armes ne doit avoir nul regart à quelques5 richesses, fors au ciel seullement que le saphir figure, et dont il doit tirer vertu et vérité. La couronne doit estre en quatre lieux croisettée, et non flouronnée ; et luy doit estre baillée nom de province subjecte au prince, et où d'ancienneté il y ait eu nom de roy d'armes. Et au regart du roy des royers, il se nomme par le marquis du Sainct Empire, et se crée par l'Empereur, qui ne luy doit refuser ; et est ung des principaux roys d'armes qui soit de la çrestienté.