Tous ensamble, puis

Et le chief des trompettes se doit tenir prest pour sçavoir quant on sonnera à cheval ; et quant le prince le commande, les trompettes se départent et vont sonner à cheval ; si se mettent chascun en armes et en habillemens , et se tire chascun dessoubz son chief et dessoubz sa cornette, et les trompettes se tirent devers le prince comme la première fois ; et assez tost après sonnent les trompettes la tierce fois; si viennent les cornettes et escadres accompaignez chascun de leurs gens devant l'hostel du prince; et quant tous sont venus, les trompettes font une basture, et à celle heure monte le prince ; et doivent toutes les trompettes1 sonner à toutes entrées et saillies, tant que la ville dure ou le camp où on a esté logé. L'escuier d'escuyrie leur livre bannières de trompettes ; ilz ont droit es deniers donnez en largesse dont l'office d'armes prent la moitié, et les trompettes, menestrelz et joueurs d'instrumens l'autre moitié. Le duc a six haulz menestrelz, qui par l'ung d'eulx six sont gouvernés2 et portent les armes du prince, et sont comptez par les escroez comme les trompettes ; le duc a quatre joueurs de bas instrumens pareillement comptez, et portent les armes du prince ; et m'a esté force d'entre suyre les estatz, non pas par ordre, mais3 par règle. Et combien que ceulx dont je parleray cy après soient plus nobles, toutefois j'ay voulu entre suyre l'escuyrie et ce qui en dépend.

Le duc a soixante deux archiers pour son corps,