Mot omis dans les précédentes éditions

qui sont gouvernez par deux chevaliers qui se nomment capitaines des archiers, et sont comptez par les escroez ordinaires ; et les peuvent iceulx capitaines corriger et pugnir, et doivent annoncer les defaillans au bureau et aux maistres d'hostel pour les royer4 se besoing est, et on ne leur doit point refuser quant ils le dyent. Hz ont tous les ans, ou souvent, palletoz d'orfavrerie richement chargez ; ilz font le guet tour à tour devant le prince; ilz le doivent accompaigner où qu'il voise, soit à pié, soit à cheval2 ; s'ilz sont à pié, ilz doivent estre autour de son cheval, le gouge ou le baston sur le col ; et s'ilz sont3 à cheval, ilz doivent chevaucher après leur enseigne, et doit aller leur enseigne devant celle des escuiers, et entre suyre les archiers de la garde, comme je declareray cy après.

Le duc a six vingts et six hommes de sa garde pour la seureté de sa personne, tous nobles hommes, et les fait appeler les escuiers de la garde, et a chascun homme d'armes4 ung archier à cheval, qui sont six vingts et six archiers 5, et sont lesdits hommes d'armes et archiers conduis et gouvernez par ung capitaine qui se nomme capitaine de la garde et par quatre escuiers chiefs d'escadre, dont chascun a soubz luy trente hommes d'armes et trente archiers en son escadre ; et est chascune escadre conduite par quatre chiefz de chambre, lesquelz en ont dessoubz eux chascun six hommes d'armes et leurs archiers. Ainsi