Sept mots omis

sont en chascune chambre sept hommes d'armes, qui sont vingt huit pour les quatre chambres, et a chascun chief d'escadre deux lieutenans, l'ung pour conduire les hommes d'armes en son absence, et l'autre pour conduire les archiers. Ainsi sont xxx hommes d'armes et les archiers1 en chascune escadre. Le capitaine de la garde a pour sa chambrée seullement2, oultre et pardessus le nombre dessusdit, plusieurs hommes d'armes qui ont requis estre de la garde. Et pour ce que ce n'est chose ordinaire, fors à volenté, et que le nombre est aucune fois de plus et l'autre de moins, je ne m'y veulx guère arrester, mais viendray à l'ordinaire seullement. Le capitaine a ordinairement huit archiers et deux coustilliers3, deux trompettes et ung chappellain, qui sont comptez aux gaiges du prince. Item, a deux hommes d'armes, ses lieutenans, dont l'ung a conduite de l'estendart en son absence4, et l'autre conduit le guidon des archiers de toute la garde, et ont les chiefz d'escadre chascun ung archier ordinaire aux despens du prince, et a telz gaiges que les autres ; et d'abondant les chiefz d'escadre et leurs lieutenans5 ont chascun ung coustillier de crue payé aux gaiges du prince. Ainsi sont douze coustilliers en ladicte garde, et servent iceulx d'aller avec le fourrier de la garde prendre les logiz ; et les deux coustilliers font le logiz pour leur escadre, et le troiziesme doit revenir au