Est

comptez à si grans gaiges et en tel estât qu'ilz ont chascun ung coustillier armé, qui font six vingt et six4 combattans, oultre et pardessus le nombre nommé2. Tous les hommes d'armes ont par mois argent du prince et à ses despens pour tenir sommier à mener3 le bagaige; et à tant me tais du fait de la garde.

Et pour conduire ceste grande chose, fault deviser comment il se loge, et la police du logis, selon lequel est nommé en tout temps mareschal, [pour] estre et servir pour le4 fait de la guerre ; et doit livrer les quartiers aux fourriers des compaignies5 des gens d'armes et de tous les quartiers. Le second mareschal, et qui est mareschal de l'hostel du duc, doit avoir le choix pour logier le prince et son estât. Et ne devïseray gueres pour le présent du mareschal du logis, pour ce que je y reviendray en temps et lieu; mais deviseray du mareschal du logis de l'hostel pour deviser [de] Testât de la fouriere, et comment elle se doit conduire. Le mareschal du logis se souloit appeller l'escuier du logis, et ne se mettoit sus iceluy estât qu'en la guerre seulement ; mais pour ce que le duc va tousjours en armes, et que sa maison est si grandement accompaignée, comme on peut veoir, il est ordonné qu'il seroit ung mareschal du logis de l'hostel, et est ung moult bel estât et office. En l'hostel du duc il y a quatre archiers comptez et une trompette par les escroez, qui accompaignent le mareschal où qu'il voise ; et quant