Capitaines

il doit partir pour aller faire ung logiz de ville en ville, il fait sonner sa trompette; et, sa trompette revenue, il monte1 à cheval, et les fourriers du prince doivent venir vers luy ; et doit avoir le mareschal une cornette pour enseigne, et doit aller par toutes les rues et par tous les logiz sa cornette après luy, et le doivent suyvre de tous les estatz ung gentilhomme et fourrier de tous les seigneurs2. Le fourrier de la garde, accompaigné des coustilliers ordinaires, doivent marchier en belle ordonnance jusques au lieu où ilz doivent faire le logiz ; et est bien besoing en temps de paix que ce soit par aucuns jours avant que le prince se parte ; et se départ le logiz en deux parties dont la première partie est livrée au fourrier pour le prince, les chambellans, les quatre estatz, la chappelle, les archiers de corps, la garde3, la chambre et les officiers domestiques ; et le mareschal loge de soy 4 princes et grans pencionnaires, chambellans et gens de conseil, ambassadeurs et autres survenans qui ne sont point domestiques. Et ainsi se départ le logiz, et le fourrier et ses aydes font le logiz qui leur est ordonné et baillé. Ce quartier de la garde est aussi délivré 5 au fourrier de ladicte garde, et iceluy fourrier départ son logiz en cinq parties, l'une pour le capitaine et ceulx de sa chambre, et l'autre partie se part6 en quatre pour les quatre chiefz et leurs quatre escadres. Et combien que