MÉMOIRES D'OLIVIEK DE LA MARCHE

demander ouverture ; sa marque doit estre tenue à tous, sur paine de mort. Le fourrier en sa personne doit battre le lit du prince de son baston, comme je l'ai escript une fois ; et quant le prince vient, le fourrier doit mettre le bancq, les tréteaux et la table ; il doit reculer, remettre et oster à icelle table les tréteaux et à toutes autres dont le prince est servy ; il doit faire son bancq, chayeres et toutes autres ouvraiges de bois; il doit livrer les linceux et estrain pour les litz et pour paillaces de l'hostel du prince; et livre bois de livrée et bois de despence, et soubz luy se fait une très grande despence. Et en icelluy office sont douze personnaiges et aydes pour ayder le fourrier et pour1 servir en son absence. [Et y a] varletz de fourrière qui portent le bois en la chambre du prince et besongnent des feux et des lumières, comme il appartient, et doivent tenir l'hostel du prince net et honneste. Les serviteurs de l'eaue servans à porter l'eaue2 doivent porter l'eaue en la chambre du prince et livrent caches3 et ramons4. Et quant le prince tient un grant estât ou une grant feste, le serf de l'eaue doit donner à laver à tous, excepté aux princes servans et ambassadeurs.

Et pour continuer Testât du duc, nous parlerons de Testât des portiers. Le duc a deux portiers et deux aydes comptez par termes. Le portier doit estre le premier levé et doit estre logié à la porte5 du prince, et ne doit point ouvrir que le chief du guet et cculx