Mot omis dans les éditions précédentes

les conducteurs en quelle compaignie ilz doivent aller quant ils ont le don. Et à jour ordonné, il mande par ung huissier d'armes les conducteurs qu'il a choisiz, et les faict venir en une sale en laquelle le duc siet en chayere parée, comme à prince appartient ; et là sont les seigneurs du sang, le conseil et les nobles de la maison ; et sont presens ceulx qui ont esté conducteurs auparavant1 . Et le duc par son chambellan fait dire la cause pourquoy il se contente de la condicion2 des conducteurs passez; et se grans causes survenoient de parlera aucun particulièrement, en soy contentant3 le duc feroit dire publiquement, pour rendre à chascun le mérite de4 sa desserte. Et n'ay point veu que le duc ait deschargié les conducteurs de leurs charges, sinon5 à leur très grand honneur et recommandation. Et après iceulx estre deschargiez, le duc fait parler à ceulx qu'il a choisiz pour l'année, et leur fait lire les ordonnances qui servent 6 à la conduite de la guerre ; et après la lecture d'icelles il fait appeller devant luy chascun conducteur particulièrement l'ung après l'autre, et publiquement baille à ung chascun deux choses : premièrement, le livre de ses ordonnances richement faict et escript, couvert de veloux, en moult honneste vollume, seellé du grant seau en cire verde, et en laz de soye; et en luy baillant, parle7 le duc par