Parlant

sa bouche, et1 dict : « Vous tel, je vous fay conduc- « teur pour l'année'de telle compaignie de cent lances « de mes gens d'armes. Et afin que vous sçachiez, « entendiez et ne puissiez ignorer comme j'entens le fait « de mes gens d'armes et de la guerre estre conduict et « ordonné2, je vous baille les ordonnances quej'ay « sur ce faites et ordonnées, et vous commande de « les estroittement tenir et garder, selon le contenu « en icelles. » Et puis prent le duc ung baston que on appelle baston de capitaine, et est iceluy baston couvert de bleu entortillé de blanche soye, qui sont les couleurs du prince, et baille le baston au conducteur, et luy dit : « A fin que vous soyez obey, et plus puis- « sant sur ceulx dont vous avez par moy charge, et « que vous puissiez entretenir et faire entretenir mes « ordonnances et faire mes commandemens, je vous « baille le baston pour avoir la main forte sur voz « gens, et vous donne, en effect de les gouverner et « pugnir3, telle auctorité et povoir4 que moy mesmes. » Et sur ce reçoit du conducteur le serment de faire et entretenir les ordonnances du prince, et selon le contenu d'icelles ; et ainsi l'ung après l'autre crée le duc de Bourgoingne ses conducteurs, et sont tenus de renvoyer icelles ordonnances et le baston en la fin de l'année pour les bailler à celuy à qui il plaira au duc de y ordonner ; et se tire chascun en la compaignie à luy ordonnée.

En chascune compaignie de cent lances a quatre