Deux mots omis dans les éditions précédentes

chefs d'escadre, dont l'ung est ordonné par le duc, et y met communément ung escuier1 de son hostel ; et n'ay gueres veu que le conducteur ne face d'iceluy son lieutenant, combien qu'il le peut faire d'ung autre s'il luy plaist; et au regart des autres chiefz d'escadre, le conducteur les peut choisir à son bon plaisir. Et soubz chascun chief d'escadre y a chiefz de chambre au nombre de quatre2, [lesquels chiefs de chambre] le chef d'escadre peut choisir et nommer sans ceulx de son escadre, à son bon plaisir. Soubz chascun chief de chambre a cinq hommes d'armes, qui sont en chascune des chambres, à prendre le chief de chambre et les hommes d'armes ; soubz luy sont six hommes d'armes. Ainsi sont vingt quatre hommes d'armes et le chief d'escadre, qui font xxv hommes d'armes3, et ainsi par quatre chiefz d'escadre trouvons cent lances soubz le conducteur; chascun homme d'armes a soubz luy trois archiers à cheval, ainsi sont trois cens archiers en chascune compaignie ; et chevauchent chascune cent lances en huit escadres, et a en chascune escadre d'archiers septante cinq archiers pour ung homme d'armes principal conduis au regart et à la devise d'icelle escadre et de son chief4. Et chevauche le guidon des archiers ou front devant la première escadre, et pareillement l'estandart des hommes d'armes au front de la première escadre des hommes d'armes.