Un mot omis dans les précédentes éditions

monte par une fois l'an1 plus de soixante mille livres; et devez sçavoir que en la pluspart des armées du duc il meine avec luy, pour le fait de l'artillerie seullement, plus de deux mille chariotz, les mieulx enharneciez2 et les plus puissans que l'on puist trouver en Flandres ne en Brabant; et certes le duc peut avoir trois cens bouches d'artillerie, dont il se peut ayder en bataille, sans les hacquebuttes et couleuvrines dont il a sans nombre. En l'artillerie est le contrerolleur qui tient par ordre et par escript le contrerolle de toutes les despences faites et payées, de toutes les provisions3 de l'artillerie, comme d'arcs, flesches, arbalestres, de traitz, de bastons à main, de cordes, et toutes autres choses nécessaires appartenans à iceluy estât; là est le maistre des euvres, charpentiers, mareschaulx, forgeurs, et toutes manières de gens. Et quant le duc est devant une ville, et il fault asseoir ses bombardes, il convient pour chascune bombarde ung gentilhomme de son hostel pour la conduite d'icelle bombarde, et la suylte4, qui est es mains du bombardier, est derechief 5 estoffée et garnie de toutes choses ; tellement que le duc ne se souffre6 point à passer rivières en peu de temps de mille piez de long, se mestier fait7; puissant8 et fort pour passer la plus grande bombarde de tout le monde 9 .