Du monde

Le maistre de l'artillerie a prevost en son artillerie, lequel a jurisdiction et auctorité de justice sur ceux de l'artillerie, et en peut faire justice criminelle ou civile, telle qu'il luy plaist selon l'exigence du cas1. Et n'est pas à oublier le fait des tentes et des pavillons, qui est une somptueuse chose, et se conduit par ung gentilhomme qui a la charge d'iceluy estât, et meine aux despens du prince plus de quatre cens chariotz puissamment attelez ; et se comptent iceulx chariotz soubz la despence de l'artillerie. Et certainement le duc délivre pour sa compaignie bien mille tentes et mille pavillons, à prendre pour ambassadeurs et estrangiers, pour la maison du duc, pour ses serviteurs et gens d'armes. Et à chascun voyage, le maistre des tentes a nouvelles tentes et nouveaux pavillons aux despens du prince ; et monte icelle despence, à prendre toille et ouvrages seullement, plus de trente mille frans.

Or à ce point ne souffist il pas seullement d'avoir devisé de2 ce grant nombre de gens d'armes à cheval et à pié, de ce grant nombre de chariotz, qui est une chose merveilleuse; car combien que le duc donne à tous argent particulier pour tous sommiers, et merveilleux nombre de chariotz et charettes pour les nécessitez pour ce que le duc fait communément durer la guerre en temps d'yver aussi bien qu'en temps d'esté, pour ce fault plus de provisions contre les froidures et autres nécessitez. Et ne souffiroit point qui ne deviseroit par quelle manière et par quel ordre aussi3 se loge cestuy grant ost. Le duc a pour son grant