Un mot omis

logier, il peut faire arrester les compaignies avec son enseigne, et prent avec luy le mareschal ceulx1 qu'il luy plaist, et là advise le pays et le logiz ; et départ les quartiers pour l'avant garde, pour la bataille et pour l'arriére garde; et ainsi conclud, assiet l'artillerie et luy baille place.

Par ceste manière ceste grant armée logée, le mareschal de l'ost doit visiter les advenues, mettre en ordre les escoutes et guetz ; et doit soigner le mareschal ou son lieutenant d'enquérir et sçavoir des passaiges et du pays. Il doit avoir des guides avec luy pour guider l'armée; et peut on appeller devant luy du grant conseil et du parlement, ou autre jugement pour matière de guerre et qui touche fait de guerre et dont2 il peut jugier. Et de luy on ne peut appeler, et certifie que j'ay expérimenté les fais de la noble maison de Bourgoingne plus de trente ans et que j'ay bien calculé et debatu à quelles sommes de deniers peut venir et monter une fois l'an la grant despense et les grans choses dont3 j'ay icy devant fait mencion. Et certes je treuve que par an monte icelle somme de despense bien environ deux millions bien payez et bien contentez4 à chacun selon son estât et selon la vocation5 à quoy il est appelé.

Et afin que il appere que je vueil que chascun sache que ce qui est baillé par escript est baillé d'homme qui le peut bien savoir, jay mis mon nom en escript