Un mot omis dans les précédentes éditions

principal officier pour la guerre1 le mareschal de Bourgoingne, lequel a telle prééminence, qu'il prent droit de mareschal sur tous gens d'armes, excepté2 des ordonnances ; et se nomme le mareschal de Bourgoingne pour ung des mareschaulx3 de France, et prent droit avec, comme les autres, et ce de toute ancienneté. Et4 se conduit le fait de la guerre par sa main avant tous les autres, et doit estre à l'avant garde du prince5 le principal. Et toutesfois se le prince mettoit en l'avant garde aucun prince de son sang, le mareschal luy seroit per et compaignon touchant ladite avant garde; et en l'absence dudit mareschal de Bourgoingne se fait ung mareschal de l'ost, qui est son lieutenant, lequel conduit les matières de guerre, prent les drois de mareschal, et ordonne les commissaires comme se luy mesme y estoit ; et sont soubz le mareschal ou son lieutenant les mareschaulx du6 logiz et de l'hostel, et par iceluy mareschal du logiz est logée toute7 ceste grant armée.

Le mareschal du logiz, quant le prince doit prendre logiz nouveau, il doit faire sonner sa trompette, et doit avoir enseigne desployée ; et à luy se doivent assembler le mareschal de l'hostel, et tous les fourriers de toutes les compaignies, soit de pié ou de cheval ; et doivent chevaucher en ordre et en bataille soubz la conduite dudit mareschal ; et quant ils sont prestz à