Souffrir

quel demene je me passe1. Et commence ad ce que ladicte dame et princesse arriva au port de l'Escluse, coursairement selon ma prudesse, suppliant aux lisans qu'ilz veullent suppler les faultes et obmissions, s'aulcunes en y a.

Le vingt cinquiesme jour du moys de jung oudit an soixante huit, à l'eure du matin, laditte très noble princesse ma très redoubtée dame madame la ducesse Marguerite avant dicte, au gré de Dieu par le vent qui lui fut propice, sans avoir eu aulcun encombrier, se trouva à quatre lieues près de l'Escluse en la mer, là où il lui fut mestier d'actendre le marée qui estoit retraicte, puis avec ladicte marée retournant entra ou havene 2 dudit lieu de l'Escluse entre cinq et six heures du soir, à grant et puissant estât, car elle avoit en sa compaignie xim navires. Desquelz il en y avoit les sept bien puissans, et par especial les quatre estoient grans cravelles3 moult aptes à la guerre, esquelz bateaulx estoient pour l'acompagnier pluiseurs nobles, chevaliers, escuiers, dames et damoiselles, archiers de la couronne, officiers d'armes, menestrelz et huict clarons qui sonnoient très mélodieusement lors qu'elle arriva et descendit en terre; desquelz seigneurs et dames dessusdictes estoient les principaulx monseigneur de Scalles, monseigneur du Cres, messire Jehan d'Oudeville, messire Jehan Havart, admirai d'Engleterre, et messire Thommas de Montgommry, et des dames la ducesse de Norfollt, madame de Scalles et madame du Cres.

\ . Dont je me dispense de parler.