Caravelles

En ladicte ville de l'Escluse avoit au paravant envoyé mon très redoubté seignieur monseigneur le duc pour recepvoir madicte dame monseigneur le conte de Gharny, messire Symon de Lalaing, messire Glaude de Tholongeon, seigneur de la Bastie, et messire Jehan de Roubenpré, et aussy madame de Charny et madame la vidame d'Amiens et mademoiselle de Bergues, et sestoit audit lieu de l'Escluse madame de Montigny, lesquelz seigneurs et dames en grant honneur et révérence vindrent bienviengnier madicte dame, la conduire et entretenir ; et vindrent au devant d'elle les pourcessions, ensamble les estas et mestiers de ladicte ville, portans grans nombre de torsses, en la conduisant joieusement jusques à l'ostel Guy de Baeust, où elle fut par lesditz seigneurs et dames logié et festoyé la nuit.

Le lendemain xxvie jour de jung, qui estoit dimence, vint madame la ducesse, mère à mondit seigneur, et mademoiselle de Bourgoingne, avec grant nombre de dames et damoiselles, visiter madicte dame Marguerite audit lieu de l'Escluse, où elles furent avec elles devisans par l'espace de quatre ou cinq heures, puis s'en retournèrent à Bruges.

Le lundi, monseigneur le duc à privé estât ala audit lieu de l'Escluse et, lui là venu, environ l'eure de dix heures de nuit, alla visiter les dames et s'en retourna environ mienuit, et le lendemain s'en revint à Bruges.

Le jeudi ensuivant, y retourna encores mondit seigneur à plus grant quantité de gens qu'il ne fist la première foiz, car il y ala de chascune chambre trois hommes, lesquelz là venus firent grant chiere de danser et esbatre la nuit ; et le lendemain vint de rechief iv 7

mondit seigneur vers les dames prendre congié, puis s'en retourna vers Bruges.

Le samedi environ midi, que la marée commenchoit à bouter avant1, se mist madame en bateau elle et son estât, et s'en vint par eaue jusques en la ville du Dam2, à une lieue près de Bruges, là où, selon la faculté de ladicte ville, elle fut très honnourablement receue, car avec ce que les pourcessions vindrent au devant en grant révérence, et les bourgois et mestiers de la ville portails grant quantité de torsses et flambeaux, les rues estoient toutes tendues et parées très richement, et en grant jubilacion fut menée au logis où lesdis de la ville le festoierent de toute leur puissance.

Le dimence me jour de jullet, monseigneur le duc se parti de Bruges environ chine heures du matin et s'en ala privement vers ladicte ville du Dam, là où, lui venu ainsi comme vers sept heures en l'ostel de madicte dame, en la salle disposée à ce, les espousa l'evesque de Salsebery, qui scet franchois et anglois, oyrent la messe, laquelle fînée mondit seigneur reconvoya jusques en la chambre madame sa mère, menga ung petit, puis à privé estât s'en retourna à Bruges en son hostel, dont il ne se party ne se monstra jusques il sera dit cy après.

Après le department de mondit seigneur, se partit madicte dame en une littiere portée de deux chevaulx, richement dorée et estoffée de drap d'or moult riche, laquelle littiere estoit conduicte d'aulcuns chevaliers,