A monter

2. Damme, entre l'Écluse et Bruges, à cinq kil. de cette dernière ville.

tant anglois comme de l'ordre de la Thoison, du capitaine et xx archiers de mondit seigneur à piet, et estoit en ladicte littiere madicte dame assise, vestue de drap d'or blanc, couronne d'or en teste, cheveulx pendans moult honnourablement ; et ainsi ayans tambourins, trompettes, clarons et menestrelz, s'en vint jusques à la porte Saincte Croix audit lieu de Bruges assés legierement, pour ce que pendant sadicte venue il fist une très grosse pluye.

Au venir de madicte dame se vindrent pluiseurs présenter aux champs en grant point. Mais pour ce que partant de ladicte porte jusques à la court chascun tint ordre et s'en peult mieulx faire declaracion, j'en diray le commenchement ce que j'en vis.

Premièrement, à ladicte porte et es rues rengiés actendoient les collieges1 dudit Bruges, tant possessans comme mendians, evesques, abbez, aultres prélats et gens d'église revestus en grant révérence pour illec recepvoir madicte dame pourcessionnellement, et actendoient aussi les gens de l'ostel de mondit seigneur et aultres qui estoient à court pour lors, lesquelz par chevaliers commiz à ce faire furent mis en ordonnance pour cheminer devant madicte dame en la manière que s'ensieult.

Devant en ladicte ordonnance estoient et chascun à cheval : premièrement, les bailli et escouttete2 de Bruges, et après aulcuns gentilzhommes, tant de l'ostel de monseigneur de Ravenstain, de monseigneur le bastart , comme ceulx comptez par les escrocs de mondit seigneur.