Ne serait-ce pas plutôt : ordonné

rence audit tableau, se mettra le roy d'armes en la place que devroit estre le chevallier, s'il vivoit, et puis ira à l'offrande pour luy, sans l'appeller ou nommer pour celle fois.

Et pour venir mieulx à l'esclaircissement d'icelle noble feste et à la manière que l'on y doit tenir, les chevalliers, au nombre de six du moins, avecq le chief et les officiers de l'ordre doibvent tenir ung conclave et là prendre et conclure ung jour prefix pour tenir icelle feste et escripre [à] tous les Roix, ducz et chevalliers d'icelle noble ordre pour eulx trouver au jour advisé en telle ville qu'il sera conclud. Et doibt estre six mois devant, affin que les loingtains se puissent préparer de venir en leurs personnes ou d'envoyer leurs procurations ; et doivent estre icelles procurations adreschées à chevalliers portans l'ordre et que l'on scet qui sera à icelle feste. Et pour continuer ceste offrande, quant le roy d'armes viendra tour à tour aux tableaux desabsens, chacun ensonrencg, il apportera le chierge comme se le chevallier y estoit, et l'appellera par son nom et tiltre qu'il viengne à l'offrande. Et tantost se présentera le chevallier qui aura la procuration de luy et prendra le chierge et yra offrir pour luy.

Et au regard des chevalliers qui seront presens, ilz seront appeliez à leur tour, et leur baillera on leur chierge pour aller à l'offrande. Et se doit entendre que les chevalliers presens et absens, les absens par procureurs et les presens par leurs mesmes personnes, yront à l'offrande deux à deux, ainsi qu'ilz seront appeliez. Mais pour les mors, nulz ne yra à l'offrande que le roy d'armes seullement, se ce n'estoit que le chief fust trespassé. En ce cas, l'héritier, comme releveur de

l'ordre, yroit à l'offrande pour le deffunct, et l'accompaigneroient tous les chevalliers confrères presens. Et ainsi se passera la solempnité de l'offrande, et, la messe dicte, les officiers, les chevalliers et le chief se remettront en ordre comme ilz sont venuz et retourneront à l'hostel et entreront en le conclave pour besoignier à leurs affaires et pour eulx aysier. Et tandis se préparera le disner et la manière du service comme il appertient. Le disner prest, les maistres d'hostel doivent advertyr le chief et les chevalliers et ceulxqui sont à appeller pour venir à ce noble convive. Et viendront les officiers, les chevalliers et le chief en l'ordre accoustumée, à tous leurs abillemens qu'ilz auront porté à l'église, et se retireront sur le hault marchepiet, près de la table et à la dextre main, et là sera donné l'eaue au chief pour laver ses mains par le premier eschanson et la serviette par l'un des grans princes qui sera présent sans estre de l'ordre. Et puis viendront les escuiers à plusieurs bachins et donneront à laver par une esghiere ou par plusieurs à tous les chevalliers et pareillement aux officiers, et doit laver le chancellier à part, et les autres trois ensemble. Et à celle mesme foiz se doibt bailler l'eaue aux ambassadeurs. Et, l'eaue donnée, le chief doit seoir au milieu de la table et dechà et delà de luy les chevalliers confrères et portant l'ordre. Et doibt prendre le roy d'armes soing que chacun chevallier tiengne son ordre comme il appertient. Et puis s'assiseront les officiers de l'ordre comme il appertient et les ambassadeurs chacun à leur table, et doivent soingnier les maistres d'hostel que chacun ambassadeur soit assiz en son rencq et en l'ordre qu'il doibt aller. Et, les cheval-

liers assiz, les ambassadeurs et les officiers, les officiers domesticques serviront selon le temps de prince ordonné , assavoir au mois de may de bure ' fretz, se c'est en juing, de frezes ou de serizes, en juillet de prunes ou de tranches meures, en août ou en septembre de raisins. Et ainsi, selon le temps, ilz seront serviz de fruit chacun à part soy pour celluy jour. Et ce c'est jour de poisson, ilz auront Tipogras blanc et les rotties pour le commenchement. Et tandis que l'on fera le service, l'uissier de salle criera tout hault à la viande, chambelan nommez. Et doibvent estre choisiz et advertiz les chambellans qui porteront la viande du prince; et le premier pannetier prendra sa serviette, et se mettront les maistres d'hostel devant pour aller à la viande. Et chacun gentilhomme ordonné pour le service seront furny de ceulx qui doibvent porter la viande dessoubz eulx. comme j'ay dit devant. Et, la viande chargée, entreront les premiers en la salle, trompettes, menestriers et joueurs des instrumens, et puis les officiers d'armes ayant leurs costes d'armes vestues, et après iceulx venront deux et deux les grans pensionnaires et les grans seigneurs de l'hostel qui ne sont point de Tordre. Et après iceulx venront les maistres d'hostel, et puis le grand maistre d'hostel et le premier, puis le pannetier et sa syeutte2 de metz, et après les gentilzhommes et leur charge. Et se doibt icelluy service entretenir et chacun escuier sçavoir devant lequel chevallier il doibt servir et asseoir ses metz.