MÉMOIRES D OLFVIER DE LA MARCHE

pour celle salle seullement. Et n'est à oublier que à si grande solempnité on a accoustumé de donner largesse, et se doibt crier à l'heure que l'on fait le service d'oubliés et d'ipogras, où doivent estre tous les officiers portant costes d'armes et Thoison d'or ou le principal officier présent.

Ce service passé, les chevalliers se retireront en leur conclave, et tandis se prépareront les vigilles à la grande église où les chevalliers doivent aller en l'ordre accoustumée ; mais ilz seront vestuz et parez de grans manteaulx, robbes et chapperons noirs, car celle seconde journée et ses vespres sont ordonnez pour prier pour les trespassez confrères de l'ordre. Et se mettront chacun devant son tableau comme devant, et n'est pas à oublier que, le disner fait chacun jour, les maistres d'hostel soingneront de mettre une table pour ceulxqui auront servy et qui disner voldront, et principallement les nobles hommes ; et sera icelle table dressée en la grand salle ; et doibt l'escuier de cuisine soingnier de les servir de la plus honneste viande qui sera demorée. Et semblablement ceulx delapaneterie, de l'eschançonnerie et autres officiers serviront icelle table comme il appertient. Et ainsi se passera la première journée d'icelle feste, et retournerons à la seconde journée qui commenchera par les vigilles et en la manière que j'ay dit.

Et pour entrer en celle seconde journée, les chevalliers yront lendemain à la messe en l'ordre accoustumée, parez et vestuz de noir, et entrera chacun en sa place, et se dira la grand messe pour les trespassez; et là devant l'offertoire doit le greffier de l'ordre faire une brieve collacion en ramentevant tous les cheval-

liers trespassez d'icelle confrairie et parler de leurs nobles meurs et de leurs nobles faiz, et après se conduyra l'offrande en la manière du premier jour. Et, la grand messe achevée, les chevalliers s'en retourneront à l'hostel en la manière et en l'ordre accoustumée, et se retireront en leur conclave, et tandis se préparera le second disner, et seront les tables dressées comme je diray.

Les fouriers drescheront la table du prince, qui sera assez longhue et pour asseoir trois personnes seullement, assavoir le prince au millieu, le prélat qui aura dit la messe au dextre boult et ung prince ou ambassadeur au bout senestre. Et au regard des aultres chevalliers de l'ordre, ilz seront à une table mise au.millieu où les ambassadeurs auront esté du jour devant, et seront assiz tous d'ung costé, et seront servys par trois ou par quatre platz, chacun furny de huyt ou dix suytes, comme la table du prince. Et au regard des quatre officiers de l'ordre, ilz auront leur place accoustumée, et seront serviz par deux platz de viande, chacun plat furny d'autant de suytes que les autres. Et au regard de la gallée, elle sera servie comme le jour précèdent, et les dames qui seront au hourt regardant la feste seront servie comme le prince. Et fault revenir pour le festoiement des ambassadeurs qui auront chambre ordonnée, nobles gens et gens de bien pour les servir, et d'autant de metz que le prince. Et au regard de la chambre où furent festoiez le premier jour les notables de la ville, celluy second jour seront festoyez les prelatz venuz à la feste et doient estre priez au vigilles par les maistres d'hostel qui en doivent faire la diligence. Et sont tous les platz qu'il

fault pour celluy jour qui sont en nombre de quatorze platz furniz de huyt ou dix suytes, comme dit est, et ce servira pour ce jour à trois foiz et chacune foiz à chacun plat servy desdites suytes. Et après le me service, on servira des oblies et de ypocras comme le jour devant. Et doivent les prelatz tous revenir en la salle pour dire et respondre les grâces. Et, les tables levées, seront rapporté le vin et les espices comme le jour devant, et après que les chevalliers auront esté servys les platz de vin et de espisses... Et j'ay volentiers prins la paine de declairer le service de ce second jour pour abregier mon escripture. Et, le disner apresté, viendront les chevalliers et seront à table comme est escript cy dessus. Et ainsi se passera ce second disner.

Et pour continuer l'ordre du troisiesme jour, les chevalliers yront celluy jour aux vespres du Sainct Esprit, vestuz de robes de velours cramoisy et les chapperons de meismes, et tenront l'ordre accoustumée tant à marchier comme à l'église, et chacun jour y aura offrande coutumée comme le premier jour. Et se durant le temps élection estoit faicte d'aucuns chevalliers presens et qu'ilz portassent l'ordre, ilz pourroient [entrer] au conclave comme les autres et au disner polroient estre assiz avecq les aultres chevalliers, pourveu qu'ilz fussent vestuz comme les autres. Mais au service de l'église ne peullent y aller pour celle feste, pource qu'ilz ne sçauroient tenir ordre et ne trouveroient nulz tableaux de leurs armes comme les autres premiers1.

I. Le ms. donne cette note en apostille : « L'on ne faict nulles

Ce troisiesme jour yront les chevalliers en l'ordre accoustumée ouyr la grand messe du S' Esprit, et seront vestuz de robbes de velours cramoisy , et comme le vespre devant ; à icelle grand messe se fera l'offrande en la manière accoustumée, et n'y aura ny sermon ny ramentevance ; et, la messe dicte, s'en retourneront en leur ordre et rentreront en leur conclave, et puis reviendront en la salle qui sera préparée comme le jour devant. Et pour le festoyement des estrangiers seront nouvelles gens priez au disner celuy jour en la chambre où ont esté festoyez les gens de villes et prelatz . Et si doibt seoir en la table du prince ung aultre prélat que le jour de devant, et pareillement ung prince ou ambassadeur autre que le premier pour mieulx décorer icelle feste ; et doivent estre servis à trois fois comme le jour devant, et à chacune foiz suyte de huit ou de dix. Et chacun jour se doivent assembler ensemble les maistres d'hostel, escuier de cuisine et le keulx pour deviser leur metz et leurs viandes qui doivent estre diverse chacun jour et le plus que l'on peult faire. Le prélat doibt dire les grâces et les seigneurs levez retourneront en leur conclave. Et ne soit pas oublié que les ambassadeurs soient chacun jour festoyé en leurs chambres comme il appertient.

Pour les quatriesmes vespres, les chevalliers yront à la grand église, vestus de robbes de drap de damas

élections que après les corrections et toute sollempnité d'église passée, et ne peuvent nouveaulx chevalliers d'ung chapitre estre à la correction en la feste en laquelle ilz sont esleuz chevalliers de l'ordre, ny aux élections d'autres au mesnie chapitre. » Cette note est hien postérieure à La Marche et émane sans doute de Laurent du Blioul, seigneur du Sart.

blancq etleschapperons de velours cramoisi, et retourneront en leur siège accoustumé, et après les vespres retourneront en leurs conclaves. Et lendemain yront oyr la messe de Nostre Dame, car c'est en l'honneur d'elle que a esté fondée celle quatriesme journée. Se fera l'offrande accoustumée et n'y aura autre sermon ne ramentevance ; puis s'en reviendront en leur conclave, et tandis se préparera le disner où viendront les chevalliers; et seront les tables comme le jour devant. Et tousiours pour accompaignier le prince nouveaulx prelatz, nouveaux princes ou ambassadeurs ; et, le service fait et les cérémonies accoustumées, se retireront les chevalliers en leurs conclaves. Et à tant j'ay fait fin de la manière du service et comment se doibt conduire ceste feste pour les quatre jours. Et n'est à oublier que les officiers de l'ordre doivent tous les jours avoir pain et vin pour leur couchier et, s'il y a jour de jeusne, ilz doivent avoir les espices. Et ce doibt ceste despence de ses quatre jours compter par les maistres d'hostel, contrerolleur et clercq des offices, en la présence de aucuns des finances commis, et, l'article passé, il se doibt escripre es escroes pour une fois et par une autre escroe que la despence ordinaire. Et à tant, mon très redoubté et souverain seigneur, je fay fin en ce présent advis, lequel je submetz à la correction de vous et de ceulx de l'ordre, ce j'ay en aucun point peu mis ou plus parlé que je ne devoye, me recommandant en toute humilité en vostre noble grâce.