IV I

peu comprendre de l'estat de la maison du duc Charles de Bourgoingne, mon très souverain seigneur, ensemble des ordonnances de sa guerre. Et commencerons à Testât de sa maison, et au service de Dieu et de sa chapelle, qui doit estre commencement de toutes choses * .

En sa chapelle a quarante hommes, à comprendre ung evesque, son2 confesseur, et trois autres Jacopins prestres et confesseurs, autres chappellains et autres officiers, organistes et sommeilliers3, lesquels chappellains, chantres et officiers sont gouvernez par le premier chappellain4. Et tous les jours, où qu'ilz soient, chantent les heures du jour et la grant messe solennel. Ouquel service et à toutes heures est le prince5 quant ils sont devers lui, et principalement à la messe et aux vespres. Et n'est pas à oublier que l'evesque dessusdit et les frères Jacopins sont grans clercs, doctes 6 et prescheurs, et preschent très souvent.

Et d'abondant 7 a le duc ung aumosnier et ung soubz aumosnier, gens de tel auctorité et de tel crédit, qu'ilz font les aumosnes pour le prince par discrétion 8 et en conscience, qui sont grandes jusques à passer xxm livres par an. Et pour approuver qu'il soit ainsi, quant le

1. Ce premier paragraphe a été supprimé dans les éditions précédentes.