Distributiun

duc doit partir d'une ville, son aumosnier lui apporte par escript ce dont il peut enquérir et savoir où bientais et aumosnes sont bien emploiées en icelle ville, si comme de vielles gens, povres prisonniers enchartrez1, femmes gisans, orphenins, povres filles à marier, gens bruslez de feu, marchans destruis par fortune, et toutes autres choses nécessaires. Et à chascun le duc, à sa dévotion, départ son aumosne et signe le papier et les sommes, et sont paiez avant que l'aumosnier départe de la ville. Aussi l' aumosnier distribue et départ l'argent de l'offrande du prince qui, tous les jours et où qu'il soit, fait2 offrande en la messe. Et lui est icelle offrande présentée par le plus grant prince de son hostel, et qui là soit. Et doit l'aumosnier dire le benedicite à la table du prince, et les grâces après. Et à icelles grâces doit estre le maistre d'ostel et au dessus. Et doit l'aumosnier lever la nef où est l'aumosne devant le prince, et puis oster la nappe de la table, et doit commencer au hault bout3. En ensuivant la chappelle, nous parlerons de Testât du conseil et de la justice, pour ce que, après le service fait de Dieu en l'Église, la justice est le second service dont Dieu doit estre4 servy. Et pour le conseil, tant de ses grans affaires comme pour ladicte justice, le duc a ung ehancellier en chief, ung evesque chief du conseil en son absence, quatre chevaliers notables, vin maistres des requestes, quinze secrétaires, huis-

1. « Comme de gens anciens , gens pauvres , prisonniers femmes. »