Le ms. n° 3867 ne donne la liste que de trente-neuf

5. Cette phrase entière a été omise par les précédents éditeurs.

les autres; son droict est de porter la bannière en bataille; des fiefz et hommaiges des nobles fais au prince il doibt prendre le serment ; il a la première chambre après le prince, et a plat et service comme luy mesme, et doibt estre obey en ses commandemens comme le lieutenant du prince.

Le duc a ung grant maistre d'ostel qui peult à tous consaulx1, tant de la justice comme de la guerre; et se doibvent adrecier à luy reçoiptes et cœulloites 2 de princes et d'ambassades. Il peut servir aux quatre nataulx3 de l'an, et quant le prince tient estât solemnel. Et doibt aller devant la viande du prince, le baston levé en contremont ; mais il ne doibt point faire les assays en la cuisine, mais les doibt faire le premier maistre d'ostel, ou l'ung des aultres maistres d'ostel en son absence. Et, la viande assise devant le prince, le grant maistre d'ostel a toutes les couvertures de tous les metz dont le prince est servy, tant de la première fois comme de la seconde, et généralement4 de tout le service qui est à iceluy disner. Et pour donner mieulx à entendre, ces choses sont le droit du grant maistre d'ostel en Bourgoingne ; mais je ne veulx pas jugier qu'il eust celle aucthorité es pays et seignouries que tient le duc, si ce n'estoit que sa retenue fust generalle, donnée par le prince en droictz et prééminence, telz qu'il les peult avoir en Bourgoingne.

Le duc a ung premier maistre d'ostel, qui a chambre