Mot omis dans les éditions précédentes

et plat en l'ostel du prince, comme le premier chambellan; et au surplus a quatre autres maistres d'ostel, lesquelz avec le premier ont le regart à la police de la maison du prince, à l'union des nobles hommes et autres seigneurs domestiques de la maison *. Hz conduisent les cérémonies et ordre de l'ostel, ilz ont le regart à la despence du prince, ilz tiennent le bureau une fois le jour, pour compter la despence du jour précèdent, et pour faire justice à ung chascun ; deux huissiers de salle sont les sergens du bureau, qui adjournent les parties aux requestes d'autres parties ; et dedans trois jours faict on justice à ung chascun par justice sommiere, et du bureau ne peut nul appeller. A ce bureau siéent les maistres d'ostel, le maistre de la chambre aux deniers, le contrerolleur et deux clercs d'office, et nulz aultres plus qui2 qu'ilz soient. Le maistre de la chambre aux deniers voit la despence dont il fault qu'il face payement, qui pour 3 jour monte plus de huit cens livres, comprins gaiges et despens de bouche, qui se payent seullement par ses mains. Le contrerolleur voit si la despence est bien employée et en advertist les maistres d'ostel, et voit si les clercs d'office ont bien recueilly la despence du jour précèdent. Les clercs d'office rapportent au bureau les parties despensées en chascun office, et les rescrivent par parties et par office en ung rolle de parchemin, pour chascun jour ; et les maistres d'ostel, le maistre de la chambre aux deniers, le contrerolleur jectent et calculent icelles parties , et sur ce sont mises les