Kattenhoven
3. D'après Brantôme, t. IV, p. 219, on tenait cette ville pour très forte, parce qu'elle s'appelait ville de Dieu, villa Theon.
Toutes icelles courses portèrent petit fruict et feirent petit exploict. Car les Allemans et Zassons de la garnison se gardoient saigement et ne sailloient que par les marestz, qui sont longs et parfons en la pluspart du circuyct de ladicte ville, et venoient aux barrières et à l'entrée de leurs forts ; et ne povoient gens de cheval les approucher sans grant perte, pour leurs crannequins , arbalestes et aultre traict dont ils estoient très bien garniz et dont ils firent des dommaiges assez à noz gens ; [et] prindrent et decoparent ung homme d'armes alternant de la compagnie de Jehan , monseigneur de Cleves , nommé Rosequin, par soy trop aventurer, car il estoit homme très vaillant de son corps ; et plusieurs chevaulx et gens navrarent et blessarent par telles emprises, et furent longuement sans ce qu'ilz fissent, de leur costé, saillie ou emprise sur ceulx de nostre party ; et furent à la longue advertiz que ung homme d'armes bourguignon, nommé Jehan de la Plume , accompaigné de environ trante combatans, s'estoit bouté en une petite place nommée la Grange, à une demye lieue de Tionville. Celluy Jehan de la Plume fut ung compaignon de la conté de Bourgoingne, qui servoit souldoyer en la cité de Mez et se maria à une ancienne riche femme, et se partit de Mez pour servir son souverain seigneur de nativité, bien en point et bien accompaigné selon son cas, et fut logié, comme dit est, en la place appelée la Grange. Si firent les Zassons leur emprise secrètement, et par une noyre nuyct se partirent trois cens hommes à pied ou cheval, et moictié d'assault, moictié d'emblée, gaignarent le chastel de la Grange et se retraïrent à grant dangier ledit de la Plume et ses compaignons
en une tour, et là se deffendirent moult vaillamment et plusieurs blessarent de leurs ennemis, et furent de leur part presque tous blessez et navrez. Finablement les Zassons1 veirent qu'ilz ne povoient les hommes avoir, doubterent le jour adjourner et le secours venir, prindrent2tous leurs chevaulx et leurs habillemens, et ce qu'ilz peurent trouver de bagues et de gens, et s'en retournarent en leur ville; et fut le plus grant exploict dont j'aye souvenance, qui fust faict en toute celle guerre à l'encontre du duc ne son party.
