Huit mots omis dans les éditions précédentes

de son prince que de veoir les armes faictes et combatues selon le contenu des chappitres, signez et seelez par messire Jaques de Lalain, qui disoient que le venant de dehors devoit requérir nombre de coups, et que pour veoir et juger armes en nombre de coups estoit il ordonné juge, et non aultrement; et ainsi fut dit audit Pietois. Mais tousjours demouroit en son opinion première, dont il fut reprins de ses parens et amys ; et luy dirent que c'estoit une arrogance d'emprendre contre les chappitres et contre ce que les aultres n'avoient pas faict; et mesmes le juge dit qu'il ne verroit point icelles armes dont il n'avoit point de commission. Et quant ledit Pietois veit ce, il demanda quarante et un coups de hache1; et ainsi fut ceste matière accordée. Les haches présentées et crys faitz, saillit ledit Pietois hors de son pavillon, josne homme moyen, quarré, puissant, et l'ung des bons corps qui fust en Bourgoingne. Il estoit paré de sa cotte d'armes2, et sa teste armée de sallade et de barbuste3. Et d'aultre part saillit messire Jaques de Lalain, et l'accompaigna pour ce jour le seigneur de Charny ; et ceulx qui paravant avoient fait armes avecques luy y furent presens; et tousjours messire Piètre Vasque, où il avoit moult grande fiance en conseil et en aide, pour tenir et fournir en sa place, se besoing fust ; et marchèrent l'ung contre l'aultre jusques devant le juge. Ledit Pie-

1. Le récit du Livre des faits est semblable, quoique beaucoup plus bref. L'auteur indique seulement 43 coups de bâche demandés, au lieu de 41 (p. 220).

2. Armoriée de ses armes : Écartelé, le premier quartier d'azur à une croix d'or ancrée, et le second quartier chevronné d'or et d'azur avec une bordure de gueules. {Livre des faits , loc. cit., p. 220.)