Mentonnière

tois marchoit moult fièrement, et d'arrivée cuyda atteindre, du bout d'embas de sa hache, l'entrepreneur au visaige ; mais il rabatit le coup froidement. Ledit Pietois retira son baston près de luy et le rua de toute sa force entre les jambes du dessusdit, en intencion, comme il povoit sembler, de l'empescher en sa marche, ou de le souldre ou lever par la fourchée des jambes, à son desavantaige. Mais l'entrepreneur mit la main dextre à la hache de son compaignon et moult asseurement se deffit de son emprinse, et de ce cop rua le bras au col de son compaignon ; et ledit Pietois l'embrassa avecques sa hache, par le hault du corps, moult estroit ; et ainsi furent les deux chevalliers l'ung à l'aultre liez, et tendoit chascun d'eulx à faire luite de mortelz ennemis. Messire Jaques emprint deux fois de porter son homme par terre, comme par manière d'une attrappe ; mais ledit Pietois soubstint longuement la force et adresse de son compaignon, en monstrant couraige et aspresse de chevallier de vertu ; et quant messire Jaques l'eust tasté et essayé en telle manière, il approucha de sa main senestre la dague de sa hache, qu'il tenoit empoignée près de la teste, en tirant contre le visaige de son compaignon, et lequel ne le povoit destourner ou deffaire, s'il n'abandonnoit sa prinse où il ne veoit point son advantaige. Si tourna, pour tous remèdes, sa teste par dessoubs le bras de messire Jaques, et ainsi le tint à la cornemuse ' ; et quant il se sentit prins à son desavantaige, prestement il s'esvertua à tout povoir pour

1. « A la façon de la lutte qu'on appelle cornemuse. » (Livre des faits, p. 221.)

cuyder rompre la prinse, et soy deffaire dudit messire Jaques. Mais il tint prinse et le tira, avecques une desmarche, par tel povoir que tous deux cheurent l'ung avecques l'aultre ; car oncques ledit Pietois n'abandonna sa prinse ; et fut la cheutte des deux chevalliers telle que ledit Pietois cheut le dos au sablon et ledit messire Jaques cheut à pattes ; et ne demoura sur ledit Pietois, sinon ce du corps dudit messire Jaques, qui ne luy povoit eschapper à cause de sa prinse, et se remit ledit messire Jaques sur son compaignon, en le croisant de sa hache sur l'estomac, sans aultre semblant faire ; et sur ce gecta Thoison d'or le baston, et furent par les escoutes prins et levez tous deux ensemble, et le tint tousjours ledit Pietois jusques ils furent en piedz1 ; et furent emmenez devant le juge qui les fit toucher ensemble ; et de ce advint, que ledit messire Jaques luy voulut envoyer le brasselet, comme il estoit contenu ; mais il contremanda qu'il en envoieroit ung aultre audit messire Jaques, et qu'il estoit aussi bien cheut de tout le corps que luy 2. Finalement amys se meslerent d'une part et d'aultre, et

1 . « Disoit l'un des gardes nommé Michaut de Sardenne au dessus dit chevalier, pour ce qu'il ne se levoit point jus du seigneur de Saint-Bonnet : « Messire Jacques, c'est assez, il doit vous suffire. » Lors le chevalier du pas respondit : « A moy ne tient pas, car il me tient si fort que je ne puis me lever. » Alors les gardes regardèrent et virent que ledit de Saint-Bonnet avoit embrassé ledit chevalier du pas; sy luy deffirent les mains et levèrent ledit chevalier du pas de dessus ledit de Saint-Bonnet, et tenoient encore tous deux leurs haches, ne pour choses qu'ils fissent, ne les perdirent oncques. » (Id.) Ce Michaut de Sardenne était Michaut de Certaines, qui remplit quelquefois le rôle de maréchal de la lice.