Conf. le Livre des faits, loc. cit., p

ne fut plus avant parlé dudit brasselet 1 ; et furent depuis grans amys, et accompaigna ledit Pietois messire Jaques jusques au royaulme de Naples, pour faire armes avecques luy, se besoing faisoit.

Ainsi se passa celluy vendredy, et le lendemain 2, environ dix heures du matin, se présenta l'entrepreneur, et d'aultre part se partit messire Amé Rabustin, seigneur d'Espiry, celluy chevalier qui se faisoit nommer le chevalier mescongneu. Et pour ce que sa manière de faire me sembla honneste et de bon exemple pour les escoutans, j'ay bien voulu escripre au long son cas et son faict, qui fut tel que grant noblesse l'accompaigna pour parens et pour amys, et fut adextré de messire Anthoine3 de Montagu, seigneur de Couches, et parle seigneur de la Queuille, dont cy dessus mencion est faicte, qui estoient deux grans seigneurs en Bourgoingne, et bien renommez en toutes choses que chevallier le doit estre. Devant le chevallier estoient deux officiers d'armes, vestuz de ses armes, qui le menoient par la bride, et fut monté sur une blanche4 haquenée, harnachée d'un harnois large, à trois pendans de velours cramoisy, et par dessus estoit le cheval couvert d'ung délié volet, tel que l'on