Et « la jambe dextre désarmée. » (Id

lement qu'il fit tourner l'escuyer ainsi que à demy, et de ce cop le chevallier recouvra de la dague de dessoubs et l'atteindit au fort du gorgerin, tellement qu'il fit desmarcher l'escuyer plus de deux pas loing de luy; et quant l'escuyer, qui fut aspre et asseuré, se veit au dangier du baston du chevallier, et congnut que, tant qu'il estoit plus loing, moins luy estoit le faiz du baston soubstenable, il s'adventura et marcha, la hache au poing, jusqu'à messire Jaques, et de la main droite print la hache du chevallier, et prestement recouvra de la senextre main et abandonna la sienne pour tenir plus fort celle de son compaignon ; et me souvient que la hache dudit escuyer demoura appoiée contre messire Jaques. Mais le chevallier desmarcha deux ou trois grans pas, en tirant après luy de toute sa force l'escuyer qui tenoit sa hache ; et par celle desmarche cheut la hache de l'escuyer au sablon. Mais l'escuyer ne perdit point la prinse, et quant le juge vit l'escuyer desembastonné, il gecta le baston, et furent prins, 1 Jaques d'Avanchies dessaisi de sa hache, et tenant et empeschant à deux mains celle de messire Jaques ; et estoye si près que je ouys que ledit messire Jaques dist après qu'ils furent prins : « Laissez aller ma hache, car vous ne la povez avoir. » Et lors la laissa aller, et vindrent devant le juge, et pour celle fois ne touchèrent point l'ung à l'aultre2, pour ce que encores n'estoient pas faictes les armes emprinses par ledit d'Avanchies, touchant les targes violette et noyre à quoy ledit d'Avanchies avoit fait toucher.