Estant

2. Le Livre des faits dit le contraire ; mais le récit d'Olivier de la Marche, beaucoup plus détaillé, doit inspirer plus de confiance.

Lemecredi ensuyvant1 comparurent, environ huict2 heures du matin, et se presentarent pour la seconde fois messire Jaques de Lalain, entrepreneur, d'une part, et de l'aultre part Jaques d'Avanchies dessusdit; et se présenta ledit messire Jaques devant le juge, vestu d'une longue robe de drap d'or cramoisy, fourrée de martres, en approchant la parure et la couleur de la targe violette touchée par ledit Jaques; et se présenta l'escuyer en longue robe et se retraïct en son pavillon ; et tantost se tira le mareschal de la lice, pour avoir les espées à faire les armes, en signiffiant à l'entrepreneur que l'escuyer avoit requis unze 3 cops d'espée feruz, marchez et desmarchez de trois pas, selon le contenu des chappitres. Lesdictes espées baillées et présentées à l'escuyer, il choisit à son plaisir. Grys et cerimonies faictes, ilz saillirent de leurs pavillons ; et parleray premier de Jaques d'Avanchies, lequel saillit hors de son pavillon, armé de toutes armes, la cotte d'armes au doz et l'espée, que l'on dit estoc d'armes, empoignée; et tenoit la main senextre renversée et couverte de la rondelle de l'estoc ; et estoit armé, de la teste, d'ung armet à la façon d'Ytalie, armé de sa grant baviere. Et d'aultre part saillit l'entrepreneur de son pavillon, qui fut à manière d'une petite tente; et fut de soye vermeille, semée de larmes bleues. Il estoit armé de toutes armes; et dessus son harnois avoit ung palletot à manches de soye vermeille, couvert de larmes, comme dessus; et ainsi continuoit ses parures, à la sorte et selon qu'il avoit

1. Le lundi 12 octobre, d'après le Livre des faits, ch. lxii.

2. Onze heures, d'après le Livre des faits, ch. lxii, p. 232.