A la... » et de même aux phrases suivantes

cuyer n'eust esté adommaigé de sa personne, et que la cuirasse n'eust peu soubstenir l'atteinte dont le placart, qui estoit le plus fort et plus espez, estoit desjà percé et faulcé ; et ainsi fut icelle dix huitiesme course passée, et vouloient les amys de l'escuyer qu'il ne courust plus, doubtans que la lance ne rencontrast de rechief en icelluy lieu. Mais ledit escuyer, comme homme d'honneur et de couraige, dit qu'il acheveroit à l'aide de Dieu ; et recommencèrent la dix neufiesme, vingtiesme et vingt uniesme, et ne se trouvèrent point. La vingt deuxiesme attendirent tous deux, et, du surplus, parachevèrent vingt cinq courses de lance sans aultre chose faire ; et ainsi furent icelles armes achevées, et plus n'y eust course de lance pour celluy pas, et furent amenez devant Thoison d'or, leur juge, et touchèrent ensemble, et s'en retourna chascun à son plaisir1.

Lendemain2 se comparut l'entrepreneur devant le juge, et d'aultre part un escuyer de la conté de Bourgoingne, nommé Jehan de la Villeneufve , dit Passequoy, ung bon corps, grant et puissant de sa personne, et fut accompaigné du seigneur de Champdivers3 et de plusieurs nobles hommes du pays. Se retraïct en son pavillon pour soy armer, et le mareschal de lice fit apporter les haches à l'escuyer pour choisir, et, en rapportant l'aultre à l'entrepreneur, l'avertit que son

1. Quoique moins détaillé, le récit du Livre des faits est identique. La date seule varie ainsi que le nom du jouteur.

2. Le 5 octobre, d'après le Livre des faits (ch. lix, p. 227), c'est-à-dire entre la joute du seigneur d'Épiry et celle de Gaspard de Dortans. Celles de Jacques d'Avanchier vinrent ensuite.