Croisée

2. Jacques d'Avanchier s'en remit, d'après le Livre des faits, à la décision du juge du camp. (V. loc. cit., p. 234.)

3. Le mardi 13 octobre, d'après le Livre des faits, en. lxiv.

4. Guillaume d'Amange, d'après le Livre des faits, ch. lxiv, p. 235.

toucher la targe noyre, comme cy dessus est declairé, au premier samedy du mois présent, et me semble que ledit Bassam estoit paré sur son cheval d'une couverte de ses armes ; et d'aultre part saillit l'entrepreneur de la noyre tente, son cheval couvert de mesme, en continuant ses parures et sa première manière de faire. Crys et cerimonies faictes et passées, lances leur furent baillées. Si laissèrent le chevallier et l'escuyer courre l'ung contre l'aultre, et de celle première course firent tous deux très belle atteinte, sans touteffois rompre lance ne desarmer l'ung l'aultre, et depuis coururent quatre courses d'une suyte, sans eulx rencontrer. La1 sixiesme course, messire Jaques rompit sa lance d'une atteinte, entre les quatre pointz, sur son compaignon. La septiesme, l'escuyer aggrava le fert de sa lance plus d'un doigt. La huictiesme, neufiesme et dixiesme, n'atteindirent point. L'unziesme, firent tous deux une rude croisée, sans atteinte. La douziesme, l'entrepreneur rompit sa lance par la poignée. La treiziesme, quatorziesme et quinziesme, n'atteindirent point. La seiziesme, fit l'escuyer une atteinte, dont il desarma l'entrepreneur du petit gardebras; mais il fut prestement rearmé. La dix septiesme course, ne se trouvèrent point. La dix huitiesme course, messire Jaques de Lalain atteindit l'escuyer sur le placart au senestre cousté, et la lance fut bonne et forte, et le fert, qui fut fin et acéré, print audit placart, et de celuy cop fut ledit placart faulsé tout oultre jusques à la cuirasse, et certes, se la lance ne fust de celuy cop rompue, je faiz doubte que l'es-