Soixante-trois coups. {Livre des faits, p

4. Armoriée à ses armes : Écartelê le premier quartier d'azur à une croix d'or ancrée, le second quartier losange d'or et d'azur. {Ibid., p. 236.)

lade1 et d'ung hausse colle de maille, assez semblablement que l'entrepreneur, et certes l'escuyer marcha en moult belle ordonnance, et furent les champions assez semblables de grandeur ; fièrement s'assemblarent de venue, et cuyda l'escuyer ferir le chevallier de la pointe d'embas de la hache. Mais le chevallier rabatit le cop, et de celle venue contendit de ferir l'escuyer; mais il desmarcha et rabatit le cop, et ainsi se poursuyvirent l'ung l'aultre par plusieurs cops donnez et feruz d'ung costé et d'aultre, et se chaudioyent moult fort et moult fièrement et de toute leur force. Environ trente cops de haches, messire Jaques de Lalain abandonna son baston 2 et print celluy de son compaignon, et le tint si fort que l'escuyer ne peut plus s'en aider; et messire Jaques tenoit en sa main dextre sa hache empoingnée près du maillet, et ferit par plusieurs cops de la dague de dessus, après le visaige de son compaignon, et dont l'escuyer rabattit plusieurs cops de son poing dextre dont il avoit cloz le gantelet, et rabatoit, comme dit est, l'assault du chevallier moult vigoureusement, et feroit l'escuyer, le gantelet cloz, de toute sa force, après le visaige du chevallier, et lequel, à chascune fois, rabatoit le cop du cousté et du bras dont il tenoit la hache de son compaignon; et tant continua leur bataille en ceste manière, que l'escuyer fut blessé à sang de la poincte de la hache au visaige, et, après avoir très longuement combatu, furent prins et deppartiz par les escoutes, et messire Jaques dit à l'escuyer : « Ce n'est pas honneste

\. « Avoit un harnas de tête... fait à la semblance et manière d'un capel de fer forgé. » (Ibid.) 2. De la main gauche seulement.

« bataille de combattre du poing, comme les femmes1. » A quoy l'escuyer respondit : « Se vous n'eussiez prins « ma hache, je vous eusse combatu de mon baston, « et sont faictz les mains à l'homme pour assaillir et « pour deffendre. » Et à tant furent les parolles rompues et vindrent devant le juge. Et parla messire de Lalain, à sa presentacion, moult notablement, disant qu'il se presentoit pour la derreniere fois, ayant, à l'aide de Dieu, achevé son emprinse et accompli, soy offrant d'en faire plus avant, s'il sembloit que faire le deust, merciant le juge, sa bonne assistance et son jugement; et pour ce que avoit icelluy mois de septembre2 encores à durer quinze ou seize jours, et ne sçavoit si nulz ne voudroyent encoires venir au secours de la dame de Plours, il demoureroit tout celluy mois en la ville, luy priant que pareillement luy voulsist faire, ce que le juge lui accorda. Et pareillement se présenta l'escuyer de sa part. Si s'embrassèrent, et s'en alla l'escuyer tout armé à Nostre Dame des Carmes, et messire Jaques s'en alla desarmer en son pavillon, et dois là envoya à Thoison d'or, qui avoit esté son juge, une longue robe de drap d'or, fourrée de bonnes martres soubelines3, pour recompenser

1 . « C'est trop fait en commère de combattre du gantelet, tant qu'on ait baston en main. » (Livre des faits, loc. cit., p. 237.)