Une lance d'or

declairé. Etcelluy soir fit ledit messire Jaques l'accord de Tristan de Toulongeon et de Gérard de Rossillon, qui, pour ung vert débat, par jeunesse, s'estoient combatuz, et estoit ledit messire Jaques tant aimé et prisé de chascun, que jamais son conseil n'eut esté refusé.

Ainsi fut le banquect achevé, et le mistere d'icelluy pas. Et le derrenier jour que le pavillon fut tendu, et que l'heure de midi fut passée, que l'on avoit accoustumé de destendre ledit pavillon, tous les nobles hommes et serviteurs de l'hostel de messire Jaques vindrent accompaigner les officiers d'armes qui dévoient les misteres rapporter, pour la derreniere fois, à cottes d'armes vestues, et le plus honnorablement que faire se pouvoit. Et premier venoit Leal, le poursuyvant dudit messire Jaques de Lalain, qui portoit la licorne, la fontainne et les trois targes, et après venoit Toulongeon, le herault, qui portoit la dame de Plours, et après venoit Charrolois, le herault, qui portoit la representacion de la glorieuse vierge Marie, dont ledit pavillon avoit esté paré et gardé toute l'année. Et en tel ordre vindrent à l'hostel de l'entrepreneur, qui actendoit, avecques aucuns de ses amys, la fin de son emprinse; et laissa passer pardevant luy la licorne, et puis devant la dame de Plours se desfubla, et devant la vierge Marie s'agenoilla terre à terre et la baisa aux piedz moult dévotement. Et depuis furent portez iceulx misteres à Nostre Dame de Boulongne, où l'on les peult encoires veoir et trouver en l'église, sur l'oratoire du duc de Bourgoingne. Et tantost après, le seigneur de Crequy s'en retourna en Picardie, où il n'avoit esté de longue espace à l'occa-

sion de son voyaige, comme il est escript cy dessus, et messire Jaques, son nepveur, demoura audit lieu de Chalon, où les seigneurs du pays et voisins le festoyèrent grandement à leur povoir. Car, comme il est dit dessus, par sa vertu, doulceur et courtoisie, et aussi par les biens et asseurance qu'ilz veirent en l'execucion d'icelluy pas monstre par ledit messire Jaques, tant l'aymoient et l'honnoroient que plus l'on ne pourroit. Et devez croyre que les dames du pays faisoient de gracieuses devises à la louenge de luy, et l'appeloient le bon chevallier1, et le nommoient pour ung nouvel Pontus en vertuz, en vaillance et renommée. Ainsi faisoit parler de luy messire Jaques de Lalain, et eslevoit sa renommée si haultement que nul plus de son temps. Et quant le mois de septembre fut passé, ledit messire Jaques s'en alla à Romme, et de là à Naples, moult notablement accompaigné, et porta par les Ytalies et en Naples son emprinse, qu'il avoit emprinse à porter par la pluspart des royaumes chrestiens. Mais nul ne toucha à son emprinse, combien qu'à la court du Roy de Naples l'on y vouloit toucher ; mais le Roy Alphonse , qui pour lors estoit Roy d'Arragon et de Naples, ne le voulut souffrir, pour l'amour qu'il avoit au duc Philippe de Bourgoingne, à qui il estoit frère d'armes. Audit lieu de Naples trouva ledit messire Jaques le duc Jehan de Gleves,

1. Il donna en effet aux « clames et damoieelles de la cité de Chalon... un très beau banquet » suivi de « danses et festoyemens, » avec « vin et espices » dont chacun prit à son plaisir (Livre des faits, p. 245), et leur adressa dans ce banquet, sous le nom de la Dame des Pleurs, une lettre avec cette suscription : « A mes très chères et honorées dames et damoiselles, les citoyennes demeurantes en la noble cité de Chalon. » (Ibid., p. 246.)

nepveur du duc de Bourgoingne, et celluy qui avoit norri ledit messire Jaques, lequel duc de Gleves revenoit de Jérusalem, où il avoit esté faict chevallier, et plusieurs aultres seigneurs de ses pays. Et devez sçavoir que le Roy d'Arragon le festoya et receut moult honnorablement, tant pour l'amour qu'il avoit à la maison de Bourgoingne, comme pour l'honneur de la personne dudit duc de Cleves, qui fut de soy ung des beaulx, des saiges et des bien adressez princes de son temps. Et le Roy Alphonse dessus dit fut large prince, honnorable et habandonné. Et de là se partit le duc de Cleves, et avecques luy messire Jaques de Lalain, et s'en retournèrent devers le duc de Bourgoingne, qui pour lors se tenoit au pays de Brabant, et furent bienviengnez et bien receuz4. Et à tant se taist ma mémoire du pas de la dame de Plours2.